సంక్రాంతి సినిమాలు వచ్చి 5 వారాలు పూర్తయినా.. ఇంకా ఓ మోస్తారుగా కలెక్షన్లు రాబడుతూనే ఉన్నాయి. నిజానికి 3 వారాలకి ‘అల వైకుంఠపురములో’ ‘సరిలేరు నీకెవ్వరు’ చిత్రాల రన్ ముగుస్తుంది అని అనుకుంటే.. కొత్తగా విడుదలైన సినిమాకి జనాలు అంతగా ఇంట్రెస్ట్ చూపించడం లేదు. గత వీకెండ్ ను కూడా ఈ రెండు సినిమాలు బాగా క్యాష్ చేసుకున్నాయి. ‘డిస్కో రాజా’ ‘అశ్వథ్థామ’ ‘జాను’ ఇప్పుడు ‘వరల్డ్ ఫేమస్ లవర్’ వంటి సినిమాలకు ప్రేక్షకులు పెద్దగా ఇంట్రెస్ట్ చూపించడం లేదు.
‘డిస్కో రాజా’ చిత్రానికి ప్లాప్ టాక్ వచ్చింది. కాబట్టి వర్కౌట్ కాలేదు. కానీ ‘అశ్వథ్థామ’ ‘జాను’ చిత్రాలకి మంచి టాక్ వచ్చింది. ‘అశ్వథ్థామ’ బిజినెస్ తక్కువ జరిగింది కాబట్టి.. చాలా వరకూ సేఫ్ అయిపోయిందని ట్రేడ్ పండితులు చెబుతున్నారు. కానీ ‘జాను’ చిత్రానికి మంచి రివ్యూలు వచ్చినా క్యాష్ చేసుకోలేకపోయింది. ఇక నిన్న విడుదలైన ‘వరల్డ్ ఫేమస్ లవర్’ మొదటి రోజు 5.5 కోట్ల షేర్ ను రాబట్టి పర్వాలేదనిపించింది. కానీ ప్లాప్ టాక్ రావడంతో ఈరోజు చాలా వరకూ కలెక్షన్లు డ్రాప్ అయినట్టు వినికిడి. ఇక రెండో రోజు ఈ చిత్రం 2కోట్ల షేర్ ను మాత్రమే రాబట్టే అవకాశం ఉందని ట్రేడ్ పండితులు చెబుతున్నారు. దీంతో ఈ వీకెండ్ కూడా సంక్రాంతి సినిమాలు కొంత వరకూ క్యాష్ చేసుకునే అవకాశం ఉందని ట్రేడ్ పండితులు చెబుతున్నారు. మరి ఏం జరుగుతుందో చూడాలి..!
Most Recommended Video
వరల్డ్ ఫేమస్ లవర్ సినిమా రివ్యూ & రేటింగ్!
పవన్ కళ్యాణ్ రీమేక్ చేసిన 11 సినిమాల
ఒక చిన్న విరామం సినిమా రివ్యూ & రేటింగ్!
