విజయ్ కోసం హీరోయిన్ని వెతకలేక ఇబ్బందిపడుతున్నారు

“పెళ్లి చూపులు, అర్జున్ రెడ్డి” చిత్రాలకు ముందు అయిదు సినిమాల్లో నటించినా రాని పేరు ఆ రెండు సినిమాలతో వచ్చేసింది. ముఖ్యంగా “అర్జున్ రెడ్డి”తో ప్రేక్షకులకు బాగా చేరువయ్యాడు విజయ్ దేవరకొండ. ఇప్పుడు ఈ క్రేజ్ కారణంగా విజయ్ కి పెద్ద సమస్యే వచ్చి పడింది. బేసిగ్గా.. ఇండస్ట్రీలో ఒక స్టార్ హీరో సినిమా మొదలవుతుందంటే ఆ సినిమాలో హీరోయిన్ కూడా సదరు స్టార్ హీరోకి సమానమైన రేంజ్ లేదా స్టార్ డమ్ ఉన్న అమ్మాయి అయ్యుండాలి. అయితే.. విజయ్ దేవరకొండ ఓవర్ క్రేజ్ కారణంగా బడా హీరోయిన్లేమో మనోడి సరసన నటించడానికి ఒప్పుకోవడం లేదు,

యువ కథానాయికలెవరూ మనోడికి సెట్ అవ్వడం లేదు, పోనీ కొత్తవాళ్లని తీసుకొందామా అంటే సినిమా పబ్లిసిటీ & మార్కెటింగ్ విషయంలో మైనస్ అవుతుందని నిర్మాత భావిస్తున్నాడు. ప్రస్తుతం ఈ కన్ఫ్యూజన్ లో కొట్టుమిట్టాడుతున్న నిర్మాత కె.ఎస్.రామారావు. ఆయన నిర్మాణంలో “ఓనమాలు” ఫేమ్ క్రాంతి మాధవ్ దర్శకత్వంలో ఓ సినిమా నిర్మించడానికి సన్నద్ధమవుతున్నారు. వచ్చే ఏడాది సెట్స్ కు వెళ్లనున్న ఈ సినిమాలో హీరోయిన్ ఇప్పటివరకూ సెట్ అవ్వలేదు.