రౌడీ హీరో విజయ్ దేవరకొండ నటించిన పెళ్లిచూపులు సినిమా ద్వారా ఇండస్ట్రీకి హీరోగా పరిచయమయ్యారు. ఈ సినిమా ఎంతో అద్భుతమైన విజయాన్ని అందుకొని పెద్ద ఎత్తున ప్రేక్షకులను సందడి చేసింది. ఇందులో విజయ్ నటనకు గాను పెద్ద ఎత్తున ప్రశంసలు వచ్చాయి. ఈ సినిమా బాక్సాఫీస్ వద్ద మంచి విజయం కావడంతో అనంతరం విజయ్ దేవరకొండకు వరుస సినిమా అవకాశాలు వచ్చాయి. ఇకపోతే సూపర్ హిట్ అయినటువంటి పెళ్లి చూపులు సినిమా కథను ముందుగా డైరెక్టర్ తరుణ్ భాస్కర్ విజయ్ దేవరకొండకు కాకుండా మరొక హీరోకి వినిపించారట.
అయితే ఈ కథ విన్న హీరో వెంటనే చేసేద్దాం అని చెప్పినప్పటికీ ఈ సినిమాకి ప్రొడ్యూసర్ దొరకకపోవడంతో ఆ హీరో వేరే సినిమాకి కమిట్ కావడం వల్లే ఈ సినిమా అవకాశం తప్పిపోయిందని తెలుస్తోంది. మరి ఆ హీరో ఎవరో కాదు యంగ్ హీరో నిఖిల్ సిద్ధార్థ్. తరుణ్ భాస్కర్ ఈ సినిమా కథనే నిఖిల్ కి వినిపించినప్పుడు వెంటనే ఈ సినిమా చేయాలని భావించారట అయితే ప్రొడ్యూసర్ దొరికేసరికి నిఖిల్ ఎక్కడికి పోతావు చిన్నవాడా సినిమాతో కమిట్ అవ్వడం వల్ల తిరిగి పెళ్లిచూపులు సినిమాలో నటించలేకపోయారు.
ఇలా నిఖిల్ ఈ సినిమాలో నటించే అవకాశం కోల్పోవడంతో ఈ సినిమాలో నటించే అవకాశాన్ని విజయ్ దేవరకొండ అందుకున్నారు. ఇక ఈ సినిమాతో ఎంతో మంచి హిట్ అందుకున్న విజయ్ దేవరకొండ అనంతరం అర్జున్ రెడ్డి గీతగోవిందం వంటి వరుస హిట్ చిత్రాలతో తెలుగు ప్రేక్షకులను సందడి చేయడమే కాకుండా టాలీవుడ్ ఇండస్ట్రీలో ఎంతో క్రేజ్ సంపాదించుకున్నారు.
ఇక లైగర్ సినిమాతో పాన్ ఇండియా స్థాయిలో ప్రేక్షకుల ముందుకు వచ్చిన విజయ్ దేవరకొండకు ఈ సినిమా తీవ్ర నిరాశపరిచినప్పటికీ ఈయనకు పాన్ ఇండియా స్థాయిలో విపరీతమైన పాపులారిటీ ఫ్యాన్ ఫాలోయింగ్ పెరిగింది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home