టాలీవుడ్ సెన్సేషనల్ హీరో విజయ్ దేవరకొండ నటించిన తాజా చిత్రం ‘వరల్డ్ ఫేమస్ లవర్’. ఈ సినిమాలో విజయ్ దేవరకొండ నాలుగు డిఫరెంట్ వేరియేషన్స్‌లో కనిపించనున్నాడు. క్రాంతి మాధవ్ డైరెక్ట్ చేస్తోన్న ఈ సినిమాని రొమాంటిక్ ఎంటర్టైనర్ గా తెరకెక్కిస్తున్నారు. విజయ్‌కి జోడిగా రాశీ ఖన్నా, ఐశ్వర్యా రాజేష్‌, కేథరిన్‌ థ్రెస్సా, ఇసాబెల్లాలు హీరోయిన్లుగా నటిస్తున్నారు. ప్రస్తుతం చిత్రీకరణ జరుపుకుంటున్న ఈసినిమాకు సంబంధించి ప్రమోషన్‌ కార్యక్రమాలు ప్రారంభించారు. ఇందులో భాగంగా తాజాగా సినిమా టీజర్ ని విడుదల చేశారు. ఇప్పుడు ఈ టీజర్ లో విజయ్ దేవరకొండ పేరు హాట్ టాపిక్ గా మారింది.
ఇంతకాలంగా విజయ్ దేవరకొండగా తెలిసిన ఈ హీరో పేరుని ‘వరల్డ్ ఫేమస్ లవర్’ టీజర్ లో దేవరకొండ విజయ్ సాయి అని వేయటం అందరికీ ఆశ్చర్యం కలిగిస్తోంది. నిజానికి విజయ్ దేవరకొండ పూర్తి పేరు అదే. అయినా సినిమాల్లోకి ఎంట్రీ ఇచ్చిన దగ్గర నుంచి సాయి లేకుండానే పాపులర్ అయ్యాడు. కానీ ఈ సినిమాతో తన పూర్తి పేరుని పరిచయం చేయడం వెనుక కారణం ఏదైనా ఉందా..? అనే ప్రశ్నలు తలెత్తుతున్నాయి. తన గత సినిమాలు ఫ్లాప్ అవ్వడంతో న్యూమరాలిజీ ప్రకారం విజయ్ తన పేరుని మార్చుకొని ఉంటాడనే కామెంట్స్ వినిపిస్తున్నాయి. ఇది ఇలా ఉండగా.. కె.ఎస్‌.రామారావు స‌మర్పణ‌లో ప్రముఖ నిర్మాణ సంస్థ క్రియేటివ్ క‌మ‌ర్షియ‌ల్ బ్యాన‌ర్‌పై కె.ఎ.వ‌ల్లభ నిర్మిస్తోన్న ఈ సినిమాని ఫిబ్రవరి 14న ప్రేక్షకుల ముందుకు తీసుకురానున్నారు.
అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!
Home