టాలీవుడ్ సెన్సేషనల్ హీరో విజయ్ దేవరకొండతో దర్శకుడు సుకుమార్ సినిమా చేయబోతున్నట్లు అధికారికంగా ప్రకటించిన సంగతి తెలిసిందే. ‘పుష్ప’ సినిమా పూర్తవ్వగానే సుకుమార్ తన తదుపరి సినిమా విజయ్ దేవరకొండతో చేస్తాడని భావించారు. కానీ ఇప్పుడు అనూహ్యంగా సుకుమార్ ‘పుష్ప’ సినిమాను రెండు భాగాలుగా తీయాలని నిర్ణయించుకున్నారు. ఈ ఏడాదిలో మొదటి భాగాన్ని విడుదల చేసి వచ్చే ఏడాదిలో రెండో భాగాన్ని విడుదల చేయాలని ప్లాన్ చేసుకుంటున్నారు. దీన్ని బట్టి సుకుమార్ వచ్చే ఏడాది కూడా ‘పుష్ప’ సినిమా సెట్స్ పైనే ఉంటారని తెలుస్తోంది.
2023లో విజయ్ దేవరకొండతో సినిమా చేసే ఛాన్స్ ఉంది. సుకుమార్ తీసుకున్న ఈ నిర్ణయం దేవరకొండని బాగా ఎఫెక్ట్ చేస్తుందని సమాచారం. ప్రస్తుతం ‘లైగర్’ సినిమాలో నటిస్తోన్న విజయ్ నెక్స్ట్ సుకుమార్ తో సినిమా అనుకున్నారు. ఇప్పుడు ప్లాన్ మారడంతో 2023లోపు మరో రెండు సినిమాలను లైన్ లో పెట్టాలని డిసైడ్ అయ్యాడు. ‘లైగర్’ సినిమాను పూర్తి చేసి శివ నిర్వాణతో కొత్త సినిమా మొదలుపెట్టాలని చూస్తున్నాడు దేవరకొండ.
అయితే ఇప్పటివరకు ఈ ప్రాజెక్ట్ పై అధికార ప్రకటన రాలేదు. అలానే మరో సినిమాను ఫైనల్ చేయాల్సివుంది. నిజానికి ఈ కుర్ర హీరో సక్సెస్ రుచి చూసి చాలా కాలమవుతుంది. ‘డియర్ కామ్రేడ్’, ‘వరల్డ్ ఫేమస్ లవర్’ రెండూ ప్లాప్ అయ్యాయి. ఇప్పుడు అర్జంట్ గా విజయ్ కి హిట్టు కావాలి. లేదంటే తన మార్కెట్ రేంజ్ తగ్గే ఛాన్స్ ఉంది. ఈ విషయంలో విజయ్ ప్రెజర్ తీసుకుంటున్నాడని టాక్!
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
