విజయ్ దేవరకొండ నటించిన పెళ్లి చూపులు… అర్జున్ రెడ్డి.. గీత గోవిందం.. ఈ మూడు సినిమాలు బ్లాక్ బస్టర్ హిట్ సాధించాయి. దీంతో విజయ్ క్రేజ్ అమాంతం పెరిగిపోయింది. పొరుగు రాష్ట్రాల్లోనూ విజయ్ సినిమాలు మంచి కలక్షన్స్ రాబడుతున్నాయి. అందుకే అతను రెమ్యునరేషన్ బాగా పెంచారు. ప్రస్తుతం “నోట” అనే ద్వి భాష చిత్రాన్ని చేస్తున్నారు. అంతేకాకుండా భరత్ కమ్మ డైరెక్షన్‌లో “డియర్ కామ్రేడ్” అనే మూవీలోను నటిస్తున్నారు. మరో నాలుగు సినిమాలు ప్రీ ప్రొడక్షన్ వర్క్ జరుపుకుంటోంది. ఈ సందర్భంగా విజయ్ దేవరకొండ మీడియాకి ఇంటర్వ్యూ ఇచ్చారు. ఇందులో తన బాలీవుడ్ ఎంట్రీపై స్పందించారు.
“నాకు ప్రస్తుతం బాలీవుడ్ కు వెళ్లే ఆలోచన లేదు. ఒకవేళ బాలీవుడ్ లో అడుగుపెట్టాలన్నా… దానికి తగ్గ గట్టి పాత్ర దొరకాలి” అని స్పష్టం చేశారు. అయితే తాను వెళ్తానన్నా.. ఇక్కడి దర్శకనిర్మాతలు వదిలేట్టులేరని వెల్లడించారు. “దక్షిణాది నిర్మాతలు నన్ను వదులుకోవాలని అనుకోవడం లేదు. నా స్నేహితులు ఎవరైనా పెళ్లి చేసుకోవాలనుకుంటే వారికి నేను బ్రెయిన్ వాష్ చేస్తుంటాను. ఇదే విధంగా నిర్మాతలు కూడా నన్ను వేరే సినీపరిశ్రమకు వెళ్లకుండా బ్రెయిన్ వాష్ చేస్తుంటారు” అని విజయ్ దేవరకొండ చమత్కరించారు.
