‘రణబాలి’(Ranabaali) సినిమా అనౌన్స్ చేసినప్పుడు ఆడియన్స్లో కానీ, విజయ్ దేవరకొండ అభిమానుల్లో కానీ ఎటువంటి అంచనాలు లేవు. పైగా ‘బాహుబలి’ స్టైల్లో టైటిల్ పెట్టి, పాన్ ఇండియా సినిమా అనే హడావిడి ఎక్కువగా చేస్తున్నారనే కామెంట్లు కూడా వినిపించాయి. కానీ ఎప్పుడైతే ఈ ప్రాజెక్టులో రష్మిక యాడ్ అయ్యిందో, ఆమె ఫ్యాన్స్, అలాగే ఈ పెయిర్కి సోషల్ మీడియాలో ఉన్న స్పెషల్ అట్రాక్షన్ కూడా తోడయ్యాయి.
దర్శకుడు రాహుల్ సాంకృత్యాన్ తెరకెక్కిస్తున్న సినిమా ఇది. గతంలో ఇతను విజయ్ దేవరకొండతో ‘ట్యాక్సీవాలా’ అనే సినిమా తీశాడు. అది హిట్టయింది. ‘ఇరుముడి’ బ్లాక్బస్టర్తో మంచి ఫామ్లో ఉన్న ‘మైత్రీ మూవీ మేకర్స్’ వారు ఈ చిత్రాన్ని నిర్మిస్తున్నారు. ఇదిలా ఉండగా, ‘ఏంటయ్యా సామి’ అనే పాట చార్ట్బస్టర్ అయింది. ఇటీవల రిలీజైన టీజర్ కూడా మంచి ఇంపాక్ట్ క్రియేట్ చేసి, కొంతవరకు బజ్ ఏర్పడేలా చేసింది.
అయితే ‘పారడైజ్’, ‘ఆదర్శ కుటుంబం’ వంటి పెద్ద సినిమాలు ఉండటంతో ‘రణబాలి’ అప్డేట్స్ను ఎవ్వరూ పట్టించుకోవడం లేదు. అక్టోబర్ 16న ఈ చిత్రాన్ని విడుదల చేస్తున్నట్టు ప్రకటన వచ్చింది. మరోవైపు ఆ డేట్కి ఈ సినిమా రాకపోవచ్చు అనే ప్రచారం కూడా మొదలైంది. షూటింగ్ అయితే ఇంకా పూర్తికాలేదు. కానీ సమాంతరంగా పోస్ట్ ప్రొడక్షన్ పనులు నిర్వహిస్తున్నారు. కాబట్టి, అక్టోబర్ 16కి ఈ సినిమా రావడం కష్టమే!
ఈ నేపథ్యంలో ‘రణబాలి’ వాయిదా కన్ఫర్మ్ అయ్యే అవకాశాలు ఎక్కువే ఉన్నాయని అంతా చెప్పుకుంటున్నారు. కానీ అధికారిక ప్రకటన వస్తే గానీ అందరికీ ఒక క్లారిటీ రాదు.ఇక విడుదల చేసిన ‘రణబాలి’ టీజర్ ప్రకారం, రాయలసీమకు చెందిన ఒక స్వాతంత్ర్య సమరయోధుడి జీవితం ఆధారంగా ఈ చిత్రం తెరకెక్కినట్లు స్పష్టమవుతోంది. అప్పట్లో భారతదేశ ప్రజల దుర్భర పరిస్థితులు, బ్రిటిష్ పాలకులపై తిరుగుబాటు, పోరాటం వంటి విజువల్స్ టీజర్లో చూపించారు.
