కోలీవుడ్ స్టార్ తో భారీ ప్రాజెక్ట్!

అతి తక్కువ సమయంలో టాలీవుడ్ అగ్ర నిర్మాణ సంస్థగా గుర్తింపు తెచ్చుకుంది మైత్రి మూవీ మేకర్స్ సంస్థ. మొదటి నుండి కూడా ఈ బ్యానర్ లో స్టార్ హీరోలతో భారీ బడ్జెట్ సినిమాలు తీస్తూ వస్తున్నారు. ఇప్పుడు కూడా ఈ బ్యానర్ లో రూపొందుతున్నవన్నీ స్టార్ హీరోల సినిమాలే. ప్రస్తుతం ‘పుష్ప’ సినిమాను నిర్మిస్తోన్న ఈ సంస్థ త్వరలోనే మెగాస్టార్ చిరంజీవి, పవన్ కళ్యాణ్, రామ్ చరణ్ లాంటి స్టార్లతో సినిమాలు చేయనుంది. తమ బిజినెస్ ని మరింత విస్తరించడానికి ఇతర భాషల హీరోలను కూడా లైన్ లో పెడుతోంది మైత్రి సంస్థ.

ఇప్పటికే బాలీవుడ్ స్టార్ హీరో సల్మాన్ ఖాన్ కి భారీ అడ్వాన్స్ ఇచ్చి లాక్ చేసింది. 2022లో వీరి కాంబినేషన్ లో సినిమా మొదలుకానుంది. తాజాగా అందుతున్న సమాచారం ప్రకారం.. కోలీవుడ్ స్టార్ హీరో విజయ్ తో సినిమా చేయడానికి రంగం సిద్ధం చేస్తున్నారు మైత్రి నిర్మాతలు. ఈ మేరకు అతడికి రూ.10 కోట్ల అడ్వాన్స్ ను కూడా ఇచ్చినట్లు తెలుస్తోంది. అయితే అందరూ అనుకుంటున్నట్లు ఈ సినిమాకి లోకేష్ కనగరాజ్ డైరెక్టర్ కాదట. ప్రస్తుతం విజయ్ తగ్గ కథ కోసం నిర్మాతలు అన్వేషిస్తున్నారు.

విజయ్ కూడా తన సినిమాలతో తెలుగులో మంచి మార్కెట్ సృష్టించుకున్నాడు. రీసెంట్ గా అతడు నటించిన ‘మాస్టర్’ సినిమాకి తెలుగులో మంచి వసూళ్లే వచ్చాయి. అదే నమ్మకంతో భారీ అడ్వాన్స్ ఇచ్చి విజయ్ లాక్ చేశారు మైత్రి నిర్మాతలు. బై లింగ్యువల్ ప్రాజెక్ట్ గా తెరకెక్కించిన ఈ సినిమాని టాలీవుడ్ స్టార్ డైరెక్టర్ చేతిలో పెట్టాలనుకుంటున్నారు. ఈ ప్రాజెక్ట్ కి సంబంధించిన మరిన్ని వివరాలు తెలియాల్సివున్నాయి.

Most Recommended Video

వామ్మో.. సుమంత్ ఇన్ని హిట్ సినిమాలను మిస్ చేసుకున్నాడా..!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
ఈ 10 మంది బుల్లితెర సెలబ్రిటీలు 30 ఏళ్ళ వయసొచ్చినా పెళ్లి చేసుకోలేదట..!