Vijay Sethupathi: బాలీవుడ్‌లో రామాయణంలో తమిళ స్టార్‌… తెలుగు నుండి ఎవరు?

దేశంలో రామాయణ మహాకావ్యాన్ని సినిమాగా తీయాలని చాలా ఏళ్లుగా ప్రయత్నాలు జరుగుతున్నాయి. ఎప్పుడో చాలా కాలం క్రితం రామాయణం సినిమా దేశంలో వచ్చింది. ఆ తర్వాత ఆ దిశగా చాలా మంది ప్రయత్నాలు చేసినా ఫలించలేదు. తెలుగు నుండి రాజమౌళి కూడా ఈ ప్రయత్నం చేస్తానని చెప్పారు కానీ టైమ్‌ పడుతుంది అన్నారు. రామచరితం గురించి త్రివిక్రమ్‌ కూడా ఓ వెర్షన్‌ రాస్తున్నారని విన్నాం. కానీ ఈ దిశగా ప్రముఖ దర్శకుడు నితీశ్‌ కుమార్‌ కాస్త వేగంగా అడుగులు వేస్తున్నారు.

బాలీవుడ్‌కి చెందిన ఆయన ‘రామాయణం’ సినిమా చేస్తారని చాలా రోజులుగా వార్తలొస్తున్నాయి. దీని కోసం కొంతమంది నటుల పేర్లు వినిపించడం, మళ్లీ లేదు అనడం ఇలా చాలానే జరిగాయి. అయితే ఫైనల్‌గా ఓ మూడు పేర్లు ఓకే అయ్యాయి అని అంటున్నారు. ఇప్పుడు నాలుగో పేరు అంటే నాలుగో పాత్ర కూడా దాదాపు ఖాయం అని చెబుతున్నారు. మొదటి మూడు పాత్రల్లో ఒక పాత్ర బాలీవుడ్‌ నుండి కాగా, రెండోది మాలీవుడ్‌ నుండి… మరొకటి శాండిల్‌ వుడ్‌.

కాగా ఇప్పుడు నాలుగోది కోలీవుడ్‌ నుండి అని అంటున్నారు. నితీశ్‌ కుమార్‌ ‘రామాయణం’ సినిమాలో రాముడిగా ప్రముఖ బాలీవుడ్‌ కథానాయకుడు రణ్‌బీర్‌ కపూర్‌ నటించనుండగా… సీతగా సాయిపల్లవి నటిస్తుందని వార్తలొచ్చాయి. ఇక రావణుడిగా ‘కేజీయఫ్‌’ స్టార్‌ యశ్‌ నటిస్తాడని పుకార్ల సారాంశం. అయితే ఇప్పుడు ఈ సినిమాలో తమిళ నటుడు విజయ్‌ సేతుపతి కీలక పాత్రలో నటిస్తున్నాడని అంటున్నారు.

రావణుడి సోదరుడైన విభీషణుడి పాత్ర కోసం విజయ్‌ సేతుపతిని (Vijay Sethupathi) సంప్రదించినట్లు తెలుస్తోంది. నితీశ్‌ చెప్పిన స్క్రిప్ట్‌ విన్న విజయ్‌ ఈ సినిమాపై ఆసక్తితో ఉన్నట్లు తెలుస్తోంది. అన్నీ అనుకున్నట్లుగా జరిగితే ఆయన కూడా సినిమాలో పార్ట్‌ అవుతారు. అయితే సౌత్‌లో మూడ ఇండస్ట్రీల నుండి నటులను తీసుకుననారు నితీశ్‌. మరి టాలీవుడ్‌లో నుండి ఎవరు నటిస్తారు అనేది ఆసక్తిగా మారింది. మామూలుగా ఇలాంటి ప్రాజెక్టులకు మన దగ్గర నుండి రానా పార్టిసిపేషన్‌ ఉంటుంది.

‘గుంటూరు కారం’ లో ఆకట్టుకునే డైలాగులు ఇవే.!

‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!