Vijay Sethupathi, Krithi Shetty: ”కూతురిగా అనుకున్నా.. రొమాన్స్ ఎలా చేస్తా..”: విజయ్ సేతుపతి

సౌత్ సినిమా ఇండస్ట్రీలో ఉన్న టాలెంటెడ్ నటుల్లో విజయ్ సేతుపతి ఒకరు. ‘ఉప్పెన’ సినిమాతో తొలిసారి తెలుగు స్ట్రెయిట్ ఫిలింలో నటించారు. ఈ సినిమాలో ఆయన హీరోయిన్ కృతి శెట్టి తండ్రి పాత్రలో నటించారు. సినిమాలో ఆమె నటన విజయ్ సేతుపతికి నచ్చడంతో చాలా సార్లు ఆమెని పొగుడుతూ కామెంట్స్ చేశారు. అయితే అదే కృతి శెట్టితో కలిసి నటించే ఛాన్స్ మరోసారి వస్తే విజయ్ సేతుపతి రిజెక్ట్ చేశారట.

పూర్తి వివరాల్లోకి వెళితే.. రీసెంట్ గా విజయ్ సేతుపతి ఓ తమిళ సినిమాలో నటించడానికి అంగీకరించారు. చిత్ర దర్శకనిర్మాతలు ఇందులో హీరోయిన్ గా కృతిశెట్టిని తీసుకుందామనుకున్నారు. అదే విషయాన్ని విజయ్ సేతుపతికి చెప్పగా.. దానికి ఆయన నో చెప్పారట. కృతిశెట్టికి తండ్రిగా విజయ్ సేతుపతి నటించిన విషయం సదరు టీమ్ కి తెలియదట. దీంతో విజయ్ సేతుపతి ఆ సంగతిని వివరించి.. కూతురిగా నటించిన అమ్మాయితో రొమాన్స్ ఎలా చేస్తానని ప్రశ్నించారట. ఈ విషయాలను తాజాగా ఓ ఇంటర్వ్యూలో చెప్పుకొచ్చారు విజయ్ సేతుపతి.

‘ఉప్పెన’ క్లైమాక్స్ సీన్స్ లో తనను తండ్రిగా ఊహించుకోమని కృతికి చెప్పానని విజయ్ సేతుపతి అన్నారు. తన కొడుకు వయసు 15 ఏళ్లని.. కృతి కంటే కాస్త చిన్నవాడని.. కృతిని కూతురిగా భావించానని విజయ్ సేతుపతి చెప్పారు. వెండితెరపై ఆమెతో ఎప్పటికీ రొమాన్స్ చేయనని తేల్చి చెప్పారు. ‘లాభం’ సినిమా ప్రమోషన్స్ లో విజయ్ ఈ విషయాలను చెప్పుకొచ్చారు. సెప్టెంబర్ 9న ‘లాభం’ ప్రేక్షకుల ముందుకు రానుంది.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!