కమల్, విజయ్ మరోసారి తెరపై..!

సౌత్ ఇండియాలో ఉన్న టాలెంటెడ్ నటుల్లో విజయ్ సేతుపతి ఒకరు. హీరోగా, విలన్ గా, క్యారెక్టర్ ఆర్టిస్ట్ గా ఆయన ఎన్నో సినిమాలు చేశారు. ఇప్పుడు కోలీవుడ్ తో పాటు తెలుగు, హిందీ భాషల్లో కూడా ఆయన సినిమాలు చేస్తున్నారు. రీసెంట్ గా ఆయన కమల్ హాసన్ తో కలిసి ‘విక్రమ్’ అనే సినిమాలో నటించారు. ఈ సినిమా ఎంత పెద్ద సక్సెస్ అయిందో తెలిసిందే. కమల్ హాసన్ కెరీర్ కి మంచి ఊపు తీసుకొచ్చింది ఈ సినిమా.

‘విక్రమ్’ సినిమా బ్లాక్ బస్టర్ కావడంతో కమల్ ఇప్పుడు వరుస సినిమాలను లైన్లో పెడుతున్నారు. ‘ఇండియన్2’, ‘విక్రమ్2’, మణిరత్నంతో మరో సినిమా ఇలా చాలానే లైన్ లో ఉన్నాయి. తాజాగా కమల్ హాసన్, విజయ్ సేతుపతి కాంబినేషన్ లో మరో సినిమాకి సన్నాహాలు జరుగుతున్నాయి. హెచ్ వినోద్ అనే దర్శకుడు కమల్ హాసన్ తో ఓ సినిమా చేయడానికి ప్లాన్ చేస్తున్నారు. కార్తీ హీరోగా ‘ఖాకీ’, అజిత్ తో మూడు సినిమాలు డైరెక్ట్ చేసిన వినోద్ ఇప్పుడు కమల్,విజయ్ సేతుపతి కాంబినేషన్ సెట్ చేశారట.

కమల్ హాసన్ స్వయంగా ఈ సినిమాను నిర్మించనున్నారు. దీనిపై త్వరలోనే అఫీషియల్ అనౌన్స్మెంట్ రానుంది. మరి ఈ సినిమాలో విజయ్ విలన్ రోల్ లో కనిపిస్తారా..? లేక క్యారెక్టర్ ఆర్టిస్టా..? అనేది తెలియాల్సివుంది. ప్రస్తుతం విజయ్ చేతిలో నాలుగైదు సినిమాలు ఉన్నాయి. బాలీవుడ్ లో ఆయన రెండు సినిమాలు చేస్తున్నారు. ప్రస్తుతం ఈ సినిమాలు షూటింగ్ దశలో ఉన్నాయి. త్వరలోనే ఈ సినిమాలు ప్రేక్షకుల ముందుకు రానున్నాయి. అలానే టాలీవుడ్ లో కొన్ని పెద్ద సినిమాల్లో విజయ్ సేతుపతిని కీలకపాత్రలు కోసం సంప్రదిస్తున్నారు.

యశోద సినిమా రివ్యూ& రేటింగ్!
సరోగసి నేపథ్యంలో వచ్చిన సినిమాలు ఏంటంటే..?

‘కె.జి.ఎఫ్’ టు ‘కాంతార’..బాక్సాఫీస్ వద్ద అత్యధిక కలెక్షన్లు రాబట్టిన కన్నడ సినిమాల లిస్ట్..!
నరేష్ మాత్రమే కాదు ఆ హీరోలు కూడా భార్యలు ఉన్నప్పటికీ హీరోయిన్లతో ఎఫైర్లు నడిపారట..!