‘రాజా రాణి’ సినిమాతో దర్శకుడిగా ఎంట్రీ ఇచ్చిన అట్లీ తన కెరీర్ లో ఎక్కువగా హీరో విజయ్ తో కలిసి పని చేశారు. వీరిద్దరి కాంబినేషన్ లో వచ్చిన ‘తేరి’, ‘మెర్సల్’, ‘బిగిల్’ లాంటి సినిమాలు విజయ్ రేంజ్ ని పెంచాయి. అట్లీకి కూడా దర్శకుడిగా స్టార్ స్టేటస్ ని తీసుకొచ్చాయి. ఫ్యూచర్ లో వీరిద్దరి కాంబినేషన్ లో మరిన్ని సినిమాలు వచ్చే అవకాశాలు ఉన్నాయి. ఇదిలా ఉండగా.. ఇప్పుడు అట్లీ మీద ఉన్న అభిమానంతో ఆయన తెరకెక్కిస్తోన్న ఓ సినిమాలో క్యామియో రోల్ లో నటించడానికి రెడీ అవుతున్నాడు విజయ్.
బాలీవుడ్ స్టార్ హీరో షారుఖ్ ఖాన్ ప్రధాన పాత్రలో అట్లీ ఓ సినిమాను తెరకెక్కిస్తోన్న సంగతి తెలిసిందే. ఇటీవలే ఈ సినిమా షూటింగ్ పూణేలో మొదలైంది. ఈ సినిమాలో నయనతార, ప్రియమణి, సాన్యా మల్హోత్రా ప్రధాన పాత్రలు పోషిస్తున్నారు. అయితే ఈ సినిమాలో అతిథి పాత్రలో విజయ్ కనిపించబోతున్నాడట. విజయ్ ని ఆన్ బోర్డ్ చేయడం ద్వారా సౌత్ లో కూడా ఈ సినిమాకి పాపులారిటీ వస్తుందని అట్లీ భావిస్తున్నాడు.
విజయ్ కూడా దీనికి ఓకే చెప్పినట్లు తెలుస్తోంది. గతంలో ‘రౌడీ రాథోడ్’ సినిమాలో ఓ పాటలో గెస్ట్ గా కనిపించాడు విజయ్. ప్రభుదేవా మీదున్న గౌరవంతో ఆ సినిమాలో కనిపించాడు. ఇప్పుడు అట్లీ కోసం మరోసారి బాలీవుడ్ సినిమాలో క్యామియో రోల్ పోషించబోతున్నాడు. ప్రస్తుతం విజయ్ ‘బీస్ట్’ అనే సినిమాలో నటించబోతున్నాడు. నెల్సన్ దిలీప్ కూడా ఈ సినిమాను డైరెక్ట్ చేస్తున్నారు.
Most Recommended Video
బిగ్ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
