Vijaya Shanthi, Aamir Khan: ఆమిర్ ఖాన్ పై షాకింగ్ కామెంట్స్ చేసిన విజయశాంతి!

బాలీవుడ్ స్టార్ హీరో ఆమిర్ ఖాన్ పై లేడీ సూపర్ స్టార్ విజయశాంతి చేసిన కామెంట్స్ ప్రస్తుతం చర్చనీయాంశం అయ్యాయి. ఆమిర్ ఖాన్ ప్రధాన పాత్రలో తెరకెక్కిన ‘లాల్ సింగ్ చద్దా’ చిత్రం ఆగస్టు 11న విడుదల కాబోతుంది.నాగ చైతన్య కూడా ఈ చిత్రంలో కీలక పాత్ర పోషించడంతో ఈ చిత్రం పై తెలుగు ప్రేక్షకుల దృష్టి కూడా ఉంది. అయితే కొంతమంది ఈ చిత్రాన్ని బాయ్ కాట్ చేయాలని కోరుకుంటున్నారు. అందుకు కారణం లేకపోలేదు.

2015 లో ఆమిర్ ఖాన్.. ‘ఇండియాలో అసహనం పెరిగిపోయింది, ఇక్కడి నుండి వెళ్లిపోతే బాగుణ్ణు అని నా కుటుంబం భావిస్తుంది’ అంటూ ఆమిర్ కామెంట్లు చేశాడు. ఆ టైంలో ఆమిర్ కామెంట్స్ ను వ్యతిరేకించిన వారే కాదు సమర్ధించిన వారు కూడా ఉన్నారు. ఇండియాలో అసహనం పెరిగిపోయింది అంటే.. ఇక్కడి రాజకీయాలు, కుల పిచ్చి, రేపులు మర్డర్లు..పెరిగిపోవడం, వీటిని దృష్టిలో పెట్టుకుని ఆమిర్ పరోక్షంగా ఆ కామెంట్లు చేశాడు. అయితే నిన్ను సూపర్ స్టార్ ను చేసింది ఈ దేశమే కదా అంటూ ఆమిర్ పై ఎంతో మంది మండిపడ్డారు.

అటు తర్వాత ఆమిర్ నటించిన ‘థగ్స్ ఆఫ్ హిందూస్తాన్’ కూడా రిలీజ్ అయ్యింది. మంచి ఓపెనింగ్స్ ను సాధించింది. కానీ 2015 లో ఆమిర్ చేసిన కామెంట్లను మళ్ళీ తవ్వి.. ‘లాల్ సింగ్ చద్దా’ పై నెగిటివిటీ ఏర్పడేలా చేస్తున్నారు. ఈ విషయం పై ఆమిర్ కూడా స్పందించి క్షమించమని కోరాడు. ఇదిలా ఉండగా.. తాజాగా ఆమిర్ ఖాన్ పై లేడీ సూపర్ స్టార్ విజయశాంతి కూడా ఘోరమైన కామెంట్లు చేసింది. ఆమె తన సోషల్ మీడియా ద్వారా ఆమిర్ ఖాన్ గురించి స్పందిస్తూ..

” ప్రజలను అమాయకులుగా భావించి నోటికొచ్చినట్టు మాట్లాడితే.. ఆ పరిణామాలు ఎలా ఉంటాయో బాలీవుడ్ హీరో ఆమీర్ ఖాన్‌కి జనం అర్థమయ్యేలా చేస్తున్నారు. బీజేపీ సర్కారుపై గుడ్డి వ్యతిరేకతతో భారతమాతను అవమానిస్తూ 2015లో ఆమిర్ చేసిన అసహన వ్యాఖ్యల ఫలితాన్ని ఇప్పుడాయన చూస్తున్నారు.‘భారత్‌లో అసహనం పెరిగిపోయిందని.. ఈ దేశం విడిచి పోవాలని తన భార్య ప్రతిపాదించింది’ అని అప్పట్లో జరిగిన ఓ అవార్డు కార్యక్రమంలో ఆయన అన్నారు.

ఈ సినిమాకి వ్యతిరేకంగా సోషల్ మీడియాలో అందర్నీ మేలుకొలుపుతున్నారు. దురదృష్టమేంటంటే.. జనం ఇంత చైతన్యంతో వ్యవహరిస్తున్నా మన సౌత్ హీరోలు కొందరు ఆ ప్రజల మనోభావాలు తమకు తెలియదన్నట్టు ప్రవర్తిస్తున్నారు.ఆమిర్ చిత్రాన్ని ప్రమోట్ చేస్తూ టీవీషోల్లో పాల్గొంటున్నారు. దేశం పట్ల ప్రజల్లో ఉన్న ప్రేమాభిమానాలను పట్టించుకోకుండా వ్యవహరించడం సమంజసం కాదేమో వారు ఆలోచించాలి. ” అంటూ విజయశాంతి పేర్కొన్నారు. ఆమె చేసిన కామెంట్లు ఇప్పుడు వైరల్ అవుతున్నాయి.

ప్రజల్ని అమాయకులుగా భావించి నోటికొచ్చినట్టు మాట్లాడితే… ఆ పరిణామాలు ఎలా ఉంటాయో బాలీవుడ్ హీరో ఆమీర్ ఖాన్ గారికి జనం అర్థమయ్యేలా చేస్తున్నరు. బీజేపీ సర్కారుపై గుడ్డి వ్యతిరేకతతో భారతమాతను అవమానిస్తూ…

— VIJAYASHANTHI (@vijayashanthi_m) August 2, 2022

రామారావు ఆన్ డ్యూటీ సినిమా రివ్యూ & రేటింగ్!

Most Recommended Video

అసలు ఎవరీ శరవణన్.. ? ‘ది లెజెండ్’ హీరో గురించి ఆసక్తికర 10 విషయాలు..!
ఈ 10 మంది దర్శకులు ఇంకా ప్లాపు మొహం చూడలేదు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?