మహేష్ బాబు హీరోగా అనిల్ రావిపూడి డైరెక్షన్లో ఓ చిత్రం రూపొందుతున్న సంగతి తెలిసిందే. ఇటీవల సూపర్ స్టార్ కృష్ణ పుట్టినరోజు సందర్బంగా ఈ చిత్రాన్ని లాంఛనంగా ప్రారంభించారు. ‘సరిలేరు నీకెవ్వరూ’ అనే టైటిల్ తో తెరకెక్కబోయే ఈ చిత్రాన్ని త్వరలోనే సెట్స్ పైకి తీసుకువెళ్లనున్నారు. దిల్ రాజు, రామబ్రహ్మం సుంకర కలిసి ఈ చిత్రాన్ని నిర్మిస్తున్నారు. మహేష్ బాబు కూడా ఈ చిత్రానికి సహా నిర్మాతగా వ్యవహరిస్తున్నారు. రష్మిక మందన హీరోయిన్ గా నటిస్తున్న ఈ చిత్రంలో విజయశాంతి కీలక పాత్ర పోషిస్తుంది.
దాదాపు 30 ఏళ్ళ తరువాత మహేష్ బాబు చిత్రంలో ఈమె నటిస్తుంది. దీంతో ఈమె పాత్ర ఎలా ఉండబోతుందనేది కూడా చర్చనీయాంశం అయ్యింది. అందుతున్న సమాచారం ప్రకారం.. ఈ చిత్రంలో విజయశాంతి… ఊరు బాగుకోసం తప్పనిసరి పరిస్థితుల్లో కత్తి పట్టిన పవర్ఫుల్ ఫ్యాక్షన్ లీడర్ గా కనిపించబోతుందట. ఇక విలన్ జగపతిబాబుతో తలపడే పాత్రలో ఆమె కనిపించబోతుందట. ఇంత పవర్ ఫుల్ పాత్ర కాబట్టే ఆమె అంగీకరించినట్టు తెలుస్తుంది.
