గత రెండు రోజుల నుంచి ప్రముఖ రచయిత విజయేంద్ర ప్రసాద్ పవన్ కళ్యాణ్ కు కథ చెప్పారని ఇండస్ట్రీ వర్గాల్లో ఒక వార్త ప్రచారంలోకి వచ్చింది. కొన్ని రోజుల క్రితం ఒక ఇంటర్వ్యూలో మాట్లాడుతూ పవన్ కళ్యాణ్ తో సినిమా తెరకెక్కించాలంటే కథ అవసరం లేదని చెప్పిన విజయేంద్ర ప్రసాద్ పవన్ కు కథ చెప్పినట్టు వచ్చిన వార్తతో అభిమానులు సైతం సంతోషపడ్డారు. అయితే తాజాగా ఈ వార్త గురించి స్పందించిన విజయేంద్ర ప్రసాద్ తాను పవన్ కు కథ చెప్పలేదని క్లారిటీ ఇచ్చారు.
అజ్ఞాతవాసి సినిమా తరువాత గ్యాప్ తీసుకున్న పవన్ కళ్యాణ్ పరిస్థితుల ప్రభావం వల్ల మళ్లీ సినిమాల్లోకి రీఎంట్రీ ఇచ్చారు. రీఎంట్రీలో వకీల్ సాబ్ సినిమాతో భారీ సక్సెస్ ను సొంతం చేసుకున్న పవన్ కళ్యాణ్ ప్రస్తుతం అయ్యప్పనుమ్ కోషియమ్ రీమేక్, హరిహర వీరమల్లు సినిమాలతో బిజీగా ఉన్నారు. ఇలాంటి సమయంలో విజయేంద్ర ప్రసాద్ పవన్ కు కథ చెప్పినట్టు జోరుగా గాసిప్స్ ప్రచారంలోకి వచ్చాయి. పవన్ కళ్యాణ్ కు కథ రాయడానికి తాను కూడా ఎంతగానో ఎదురుచూస్తున్నానని విజయేంద్ర ప్రసాద్ అన్నారు.
అయితే పవన్ కు కథ కోసం ఇప్పటివరకు తనను ఎవరూ సంప్రదించలేదని ఆయన చెప్పుకొచ్చారు. పవన్ కు కథ చెప్పినట్టు వదంతులు వైరల్ అవుతున్న నేపథ్యంలో విజయేంద్ర ప్రసాద్ స్పష్టతనిచ్చారు. అయితే రాబోయే రోజుల్లో మాత్రం పవన్ విజయేంద్ర ప్రసాద్ కాంబినేషన్ లో సినిమా వచ్చే అవకాశాలు అయితే ఉన్నాయని చెప్పవచ్చు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
