కోలీవుడ్‌ స్టార్ హీరో దళపతి విజయ్ అండ్ ఖైధి ఫేమ్ డైరెక్ట‌ర్ లోకేశ్‌ కనకరాజ్ కాంబినేష‌న్‌లో వ‌స్తున్న చిత్రం మాస్టర్. ఈ చిత్రంలో త‌మిళ మరో స్టార్ హీరో విజయ్ సేతుపతి విల‌న్‌గా న‌టిస్తుండ‌గా, మాళ‌విక మోహ‌న‌న్ హీరోయిన్‌గా న‌టిస్తోంది. జేవియర్ బ్రిట్టో ఈ క్రేజీ చిత్రాన్ని నిర్మిస్తుండగా, ప్రముఖ యంగ్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నాడు. ఇప్ప‌టికే ఈ సినిమా విడుద‌ల కావాల్సి ఉండ‌గా, కోవిడ్ కార‌ణంగా బొమ్మ ప‌డ‌లేదు.
ఇక సంక్రాంతికి ఈ మూవీని విడుద‌ల చేసేందుకు చిత్ర బృంధం ప్లాన్ చేస్తుంది. ఇక అస‌లు మ్యాట‌ర్ ఏంటంటే దీపావ‌ళి కానుక‌గా విడుద‌ల అయిన మాస్టర్ టీజర్ దుమ్ము రేపుతుంది. టీజర్ విడుద‌లైన రోజు నుండి ట్రెండింగ్‌లోనే ఉంటూ ట్వంటీ సెవెన్ మిలియ‌న్స్ వ్యూస్‌తో దూసుకుపోతుంది. అలాగే అతి త‌క్కువ టైమ్‌లో అత్య‌ధిక లైక్‌లు పొందిన టీజ‌ర్‌గా రికార్డు సృష్టించింది. మాస్టర్ టీజర్ రిలీజ్ అయిన ఇర‌వై నాలుగు గంట‌ల్లోనే వ‌న్ పాయింట్ సెవెన్ మిలియ‌న్ లైక్స్ సాధించ‌గా, ఓవ‌రాల్‌గా ఇప్ప‌టి వరకు టు పాయింట్ వ‌న్ మిలియ‌న్ లైక్‌లతో న‌యా రికార్డ్ దిశ‌గా సాగుతోంది.
టీజర్ విష‌య‌నికి వ‌స్తే.. స్టైలిష్ కాలేజ్ పొలిటికల్ డ్రామాగా తెర‌కెక్కిన మాస్టర్ చిత్రంలో మ‌ధ్యానికి భానిస అయిన కాలేజ్ ప్రొఫెస‌ర్‌గా విజయ్ క‌నిపిస్తున్నాడు. మ‌రోవైపు లోక‌ల్ గుండాగా విజయ్ సేతుపతి క‌నిపిస్తున్నాడు. ఖైధి లాంటి సెన్షేష‌న్ హిట్ ఇచ్చిన తర్వాత లోకేష్ క‌న‌గ‌రాజ్ ద‌ర్శ‌క‌త్వంలో వ‌స్తున్న మూవీ కావ‌డంతో ఈ చిత్రం పై అంచ‌నాలు ఓ రేంజ్‌లో ఉన్నాయి. అయితే తాజాగా విడుద‌ల అయిన టీజర్ చూస్తుంటే, విజయ్ ఫ్యాన్స్‌లోనే కాదు, స‌గ‌టు సినీ ప్రేక్ష‌కుల్లో కూడా అంచ‌నాలు పెంచేస్తుంది.
టీజ‌ర్‌లో చూపించిన ప్ర‌తిఫ్రేమ్‌ను ప‌ర్‌ఫెక్ట్‌గా డిజైన్ చేసి క‌ట్ చేశారు. విజయ్ యాటిట్యూడ్ హైలెట్‌గా సాగిన ఈ టీజ‌ర్‌లో మరో స్టార్ హీరో విజయ్ సేతుపతి అయితే త‌న‌కు మాత్ర‌మే సాధ్య‌మైన నట‌న‌తో వావ్ అనిపించాడు. ఒక‌వైపు క్యాలేజ్ క్యాంప‌స్‌లో స్టూడెంట్స్‌తో విజయ్ గొడ‌వ‌లు, మ‌రోవైపు సేతుపతి-విజ‌య్‌ల మ‌ధ్య వ‌చ్చే స‌న్నివేశాలు మాస్‌ని ఊపేసేలా ఉన్నాయి. ఇక ఈ టీజ‌ర్‌లో అనిరుధ్ అందించిన బ్యాగ్రౌండ్ స్కోర్ మేజ‌ర్ హైలెట్ అని చెప్పాలి. ఒక బీట్‌లో విజయ్ ప్యాంట్ పైకి లాక్కొని డ్యాన్స్ వేసే మూమెంట్‌లో అనిరుధ్ ఇచ్చిన బ్యాగ్రౌండ్ స్కోర్ వేరే లెవ‌ల్‌లో ఉంది. ఈ టీజ‌ర్‌కు వ‌స్తున్న భారీ స్పంద‌న చూసి దళపతి అభిమానులు పండ‌గ చేసుకుంటున్నారు. మ‌రి సినిమా రిజ‌ల్ట్ ఎలా ఉంటుందో చూడాలి.
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
