ఎంతటి మహానటుడైనా కమర్షియల్ సక్సెస్ లేకపోతే ఆఫర్లు రావడం పక్కన పెడితే దర్శకనిర్మాతలు పట్టించుకోరు. ఇప్పుడు నేషనల్ అవార్డ్ విన్నర్ విక్రమ్ విషయంలో జరుగుతున్నా లోపం అదే. నటుడీగా విక్రమ్ కు పరిచయం అవసరం లేదు. కానీ ఆయనకు గత కొంతకాలంగా సరైన సక్సెస్ లేదు. ఆ కారణంగా కథానాయకుల రేస్ లో బాగా వెనుకబడ్డాడు.
అయితే.. విక్రమ్ నటిస్తున్న తాజా చిత్రం “ఇరుముగన్”. తమిళంలో తెరకెక్కిన ఈ చిత్రంలో నయనతార, నిత్యామీనన్ లు కథానాయికలుగా నటించారు. ఈ సినిమాను తెలుగులో “ఇంకొక్కడు”గా విడుదల చేయనున్నారు. విక్రమ్ ఈ సినిమాలో ద్విపాత్రాభినయం చేస్తున్నాడు. మొన్న సైమా అవార్డ్ వేడుకల్లో ఈ చిత్రం టీజర్ ను విడుదల చేశారు. విడుదలైన టీజర్ కు విశేషమైన స్పందన లభించింది. మరి ఈ సినిమాతో అయినా విక్రమ్ కమర్షియల్ గా హిట్ కొడతాడో లేదో తెలియాలంటే విడుదల తేదీ వరకూ ఆగాల్సిందే!
