కొన్ని కాంబినేషన్లు వినడానికే చాలా క్రేజీగా అనిపిస్తాయి. కచ్చితంగా ఈ కాంబోలో సినిమా వస్తే బాగుణ్ణు అనిపిస్తాయి. అలా కొంచెం ఇంట్రెస్టింగ్ గా అనిపించే కాంబినేషన్లో నాగ చైతన్య, విక్రమ్ కుమార్ లది కూడా ఒకటి. అక్కినేని ఫ్యామిలీకి విక్రమ్ కుమార్ మంచి సినిమాలు ఇచ్చాడు అని చెప్పడంలో ఎటువంటి సందేహం లేదు. ‘మనం’ ఒక క్లాసిక్. 3 తరాల హీరోల్ని ఓకే స్క్రీన్ పై చూపించి.. ప్రేక్షకుల్ని మెప్పించడం అంటే సాధారణ విషయం కాదు. కానీ విక్రమ్ కుమార్ చాలా చక్కగా ఆవిష్కరించి.. బ్లాక్ బస్టర్ కొట్టాడు. ఆ చిత్రం ఓ క్లాసిక్.
ఇక అఖిల్ అక్కినేని రెండో చిత్రంగా చేసిన ‘హలో’ కూడా ఓ మంచి సినిమానే. ఈ చిత్రానికి కూడా మంచి రివ్యూలు వచ్చాయి. అయితే ఎక్కువ రేట్లకి విక్రయించడంతో కమర్షియల్ ఫెయిల్యూర్ అయ్యింది. ఇక ‘మనం’ టైంలోనే చైతన్యతో ఓ సినిమా చేయబోతున్నాడు విక్రమ్ కుమార్ అంటూ అప్పట్లో వార్తలు వచ్చాయి. అయితే ఎందుకో ఈ కాంబో సెట్ అవ్వలేదు. ఎట్టకేలకు ఇప్పుడు సెట్ అవ్వనుందని తెలుస్తుంది. దిల్ రాజు నిర్మాణంలో నాగ చైతన్య ఓ సినిమా చేయాల్సి ఉంది. ఓ కొత్త దర్శకుడితో చేద్దామనుకుంటే.. కథ సెట్ అవ్వకపోవడంతో కుదర్లేదు. కానీ ఇప్పుడు విక్రమ్ కుమార్ దగ్గర ఓ మంచి స్క్రిప్ట్ ఉందట. త్వరలోనే ఈ ప్రాజెక్ట్ కు సంబంధించి క్లారిటీ వచ్చే అవకాశం ఉందని తెలుస్తుంది.
Most Recommended Video
‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!
