Hero Vikram: విక్రమ్‌ నెక్స్ట్‌ సినిమా వేరే లెవల్‌లో ఉంటుందట!

September 1, 2022 / 10:35 AM ISTByFilmy Focus

Join Us

Hero Vikram: విక్రమ్‌ నెక్స్ట్‌ సినిమా వేరే లెవల్‌లో ఉంటుందట!

విక్రమ్‌ సినిమా అంటే నటన ఓ లెవల్‌లో ఉంటుంది. సినిమా ఫలితం ఎలా ఉన్నా ఆయన నటన హైలైట్‌గా నిలుస్తుంది. ఇక విజయేంద్ర ప్రసాద్‌ కథ అంటే దాని పవర్‌ మరో లెవల్‌లో ఉంటుంది. సినిమా ఎవరు తీసినా ఆయన కథ అదిరిపోతుంది అంతే. అలాంటి ఈ ఇద్దరూ కలిస్తే ఆ సినిమాకి వచ్చే హైప్‌ లార్జర్‌ ద్యాన్‌ లైఫ్‌ అవుతుంది. ఇలాంటి కాంబినేషన్‌ను కోరుకోని వారుండదరు. అలాంటివారిలో మీరూ ఉంటే.. మీకు పండగ లాంటి వార్త మేం చెబుతున్నాం. అదే విక్రమ్‌ – విజయేంద్రప్రసాద్‌ కాంబో.

విజయేంద్ర ప్రసాద్‌ కథలో చియాన్‌ విక్రమ్‌ నటిస్తున్నారట. ఈ విషయాన్ని విక్రమే ఇటీవల ప్రకటించారు. తన తాజా సినిమా ‘కోబ్రా’ ప్రచారంలో భాగంగా మీడియాతో మాట్లాడుతూ.. విక్రమ్‌ తన తర్వాతి సినిమాల గురించి మాట్లాడారు. ఈ క్రమంలోనే విజయేంద్రప్రసాద్‌ సినిమా కబురు బయటికొచ్చింది. ఓ భారీ సినిమాను ప్లాన్‌ చేస్తున్నాం. పాన్ ఇండియా రైటర్ విజయేంద్ర ప్రసాద్ ఈ కథను సిద్ధం చేశారు. ఆ సెన్సేషనల్ కథతో త్వరలో సినిమా ప్రారంభిస్తామని తెలిపారు విక్రమ్‌.

ఈ సినిమా ఫుల్‌ మాస్‌ అంశాలతో ఉంటుందని, గ్రాండ్‌గా తెరకెక్కించే ప్రయత్నాల్లో ఉన్నామని కూడా తెలిపారు. అలాంటి కథ అందించిన విజయేంద్రప్రసాద్‌కు ధన్యవాదాలు కూడా తెలిపారు విక్రమ్. అయితే ఆ సినిమా ఏంటి, దర్శకుడు ఎవరు, ఎక్కడ తీస్తున్నారు, ఎప్పుడు ఉంటుంది లాంటి వివరాలు మాత్రం విక్రమ్‌ చెప్పలేదు. దీంతో ఏంటా సినిమా అంటూ అభిమానులు ఆలోచిస్తున్నారు. ప్రస్తుతం విజయేంద్రప్రసాద్‌ పెన్ను చివరన చాలా కథలు ఉన్నాయి. అందులో ఏదో తెలియాల్సి ఉంది.

విజయేంద్ర ప్రసాద్‌ వరుసగా కథలు రాస్తున్నారు అని సమాచారం. ‘1770’ పేరుతో ఓ బెంగాళీ నవల ఆధారంగా ఓ సినిమా ఇటీవల అనౌన్స్‌ చేశారు. ఇదికాకుండా కంగనా రనౌత్‌తో ‘సీత’ అనే సినిమా చేస్తున్నారు. మహేష్‌బాబు – రాజమౌళి సినిమాకు కూడా విజయేంద్ర ప్రసాదే కథ అందిస్తున్న విషయం తెలిసిందే. ఇప్పుడు విక్రమ్‌ చెప్పిన దాని ప్రకారం విజయేంద్ర ప్రసాద్‌ ఇంకా కొన్ని కథలు సిద్ధం చేశారని తెలుస్తోంది. లేదంటే పైన చెప్పిన సినిమాల్లో దేంట్లోనైనా విక్రమ్‌కి మంచి పాత్ర దక్కిందా అనేది కూడా ఓ చర్చ నడుస్తోంది.