Vikramarkudu Movie Collections: ‘విక్రమార్కుడు’ కి 15 ఏళ్లు.. ఫైనల్ గా ఎంత కలెక్ట్ చేసిందో తెలుసా?

June 23, 2021 / 03:32 PM ISTByFilmy Focus

Join Us

మాస్ మహారాజ్ రవితేజ హీరోగా ఎస్.ఎస్.రాజమౌళి డైరెక్షన్లో తెరకెక్కిన మాస్ మూవీ ‘విక్రమార్కుడు’. 2006 వ సంవత్సరం జూన్ 23న ఈ చిత్రం విడుదలైంది. ‘శ్రీ కీర్తి క్రియేషన్స్’ బ్యానర్ పై ఎం.ఎల్.కుమార్ చౌదరి ఈ చిత్రాన్ని నిర్మించారు. మొదటి షోతోనే సూపర్ హిట్ టాక్ ను సొంతం చేసుకున్న ఈ చిత్రం అప్పటికి రవితేజ కెరీర్లోనే బిగ్గెస్ట్ హిట్ గా నిలిచింది. ఈ చిత్రంలో రవితేజ.. అత్తిలి సత్తిబాబు, విక్రమ్ సింగ్ రాథోడ్ వంటి రెండు విభిన్నమైన పాత్రల్లో ద్విపాత్రాభినయం కనపరిచి అలరించాడు. అనుష్క కూడా తన గ్లామర్ తో ఓ ఊపు ఊపేసింది.అజయ్ కూడా విలన్ పాత్రకి ప్రాణం పోసాడనే చెప్పాలి.ఇలాంటి పాత్ర అతనికి ఇప్పటివరకు మరొకటి దొరకలేదు. ఇక కీరవాణి సంగీతం ఈ సినిమాకి స్పెషల్ అట్రాక్షన్ గా నిలిచింది అని చెప్పాలి. ‘జింతాక్ తాక్’ మరియు ‘జుం జుం మాయ’ వంటి పాటలతో పాటు బ్యాక్ గ్రౌండ్ స్కోర్ తో కూడా అతను అలరించాడు. ఈరోజుతో ఈ చిత్రం విడుదలై 15 ఏళ్ళు పూర్తి కావస్తోంది.

Vikramarkudu

మరి బాక్సాఫీస్ వద్ద ఈ చిత్రం ఎంత కలెక్ట్ చేసిందో ఓ లుక్కేద్దాం రండి :

నైజాం	5.94 cr
సీడెడ్	1.96 cr
ఉత్తరాంధ్ర	2.06 cr
ఈస్ట్	0.97 cr
వెస్ట్	0.92 cr
గుంటూరు	1.66 cr
కృష్ణా	1.42 cr
నెల్లూరు	0.76 cr
ఏపీ + తెలంగాణ (టోటల్)	15.69 cr
రెస్ట్ ఆఫ్ ఇండియా + ఓవర్సీస్	3.26 cr
వరల్డ్ వైడ్ (టోటల్)	18.95 cr

‘విక్రమార్కుడు’ చిత్రానికి రూ.11.93 కోట్ల థియేట్రికల్ బిజినెస్ జరిగింది. ఫుల్ రన్ ముగిసేసరికి ఈ చిత్రం రూ.18.95 కోట్ల షేర్ ను రాబట్టింది. దీంతో బయ్యర్లకు రూ.7.02 కోట్ల లాభాలు దక్కాయని చెప్పొచ్చు.