తెరపైకి విక్రమార్కుడు సీక్వెల్

కొన్నేళ్లుగా రవితేజ ఖాతాలో విజయం పడకుండా పక్కకు జారుకుంటోంది. దాంతో ఏడాదిగా సినిమాలకు దూరంగా ఉంటోన్న రవితేజ ప్రపంచ పర్యటన పేరుతో షికారు చేయనారంభించాడు. రవితేజకి స్టార్ స్టేటస్ ఇచ్చిన పూరి జగన్నాధ్ మొదలుకుని కొందరు యువ దర్శకులు సైతం ఆయన కొరకు కథలు సిద్ధం చేయడం తెలిసిందే. వీటన్నిటి మాట ఎలా ఉన్నా త్వరలోనే రవితేజ మరో బ్లాక్ బస్టర్ కొట్టనున్నాడని కొత్త కథనాలు మొదలయ్యాయి.

రవితేజ సోలో హీరోగా సక్సెస్ అందుకున్నాక దర్శకులు ఆయన కోసం కథలతో క్యూ కట్టేవారు. 2001 నుండి 2008 వరకు రవితేజ కెరీర్ లో చాలా కీలకం ఇప్పటివరకు రవితేజ ఖాతాలో ఉన్న విజయాల్లో ఈ కాలంలో వచ్చిన వాటి సంఖ్యే ఎక్కువ. అలా రవితేజకి హిట్ కిక్కిచ్చిన సినిమాల్లో దర్శక ధీరుడు రాజమౌళి తెరకెక్కించిన ‘విక్రమార్కుడు’ ఒకటి. ఇది రాజమౌళి-రవితేజ కాంబినేషన్ లోనే కాదు అనుష్క – రాజమౌళిల తొలి చిత్రం కూడా. విక్రమ్ సింగ్ రాథోడ్/ అత్తిలి సత్తిబాబు పాత్రల్లో రవితేజ అదరగొట్టే అభినయం ప్రేక్షకులతో ఈలలు వేయించింది. అంతేనా.. తమిళం, కన్నడ, బెంగాళీ వంటి పలు భాషల్లో ఈ సినిమా రీమేక్ చేయగా అక్కడా వసూళ్ల వర్షం కురిసింది. అలాంటి ఈ సినిమాకి దాదాపు పదేళ్ల తర్వాత సీక్వెల్ సిద్ధమవుతుంది. ఈ మేరకు రచయిత విజయేంద్రప్రసాద్ కథ సిద్ధం చేసే పనుల్లో నిమగ్నమై ఉన్నారని ఫిల్మ్ నగర్ వర్గాల సమాచారం. అయితే ‘బాహుబలి 2’ రాజమౌళి చేయబోయే సినిమా ఇదేనా కాదా అన్నది ప్రస్తుతానికి…?

Also, do SUBSCRIBE to our YouTube channel to get latest Tollywood updates.