తమిళ నటుడు విక్రమ్ కుమార్తె అక్షిత పెళ్లి పీటలు ఎక్కేందుకు సిద్ధమైంది. తమిళనాడు మాజీ ముఖ్యమంత్రి కరుణానిధి ముని మనవడు, రంగనాధన్ కుమారుడు అయిన మను రంజిత్ తో ఏడు అడుగులు వేసేందుకు ముహూర్తం ఖరారైంది. మను, అక్షితల నిశ్చితార్ధ వేడుక గత ఆదివారం (జులై 10) వైభవంగా జరిగింది.
ఈ కార్యక్రమానికి ఇరు కుటుంబాలకు చెందిన బంధువులు హాజరయ్యారు. ప్రముఖ దర్శకులు శంకర్, ఉదయనిధి స్టాలిన్ ఈ వేడుకలో పాల్గొని కాబోయే వధూవరులను ఆశీర్వదించారు. ఎంగేజ్మెంట్ కు సంబంధించిన ఫోటోలు సోషల్ మీడియాలో కాస్త ఆలస్యంగా ప్రత్యక్షమైనా బాగానే లైక్ లు అందుకుంటున్నాయి. అభిమానులు ఎంతో సంతోషంతో షేర్లు చేస్తున్నారు. విక్రమ్ “ఐ” తర్వాత చేసిన సినిమా “”ఇరు ముగన్”.
తెలుగులో ఇంకొక్కడు గా అనువాదం కానుంది. ఆనంద్ శంకర్ దర్శకత్వంలో తెరకెక్కిన ఈ సినిమాలో నయనతార, నిత్యా మీనన్ హీరోయిన్లుగా నటిస్తున్నారు. ఈ చిత్ర టీజర్ రీసెంట్ గా విడుదలై విశేషంగా ఆకట్టుకుంటోంది. ఇందులో చియాన్ గడ్డంతో పూర్తి స్టయిలిష్ గా అదరగొట్టారు. కుమార్తె నిశ్చితార్ధ వేడుకలో విక్రమ్ పూర్తి షేవ్ తో సంప్రదాయ దుస్తుల్లో హ్యాండ్ సమ్ గా కనిపించారు.
