అగ్ర కథానాయకుల సినిమాలకి కథలు సెట్ అవ్వడం కంటే.. సదరు కథలకు హీరోయిన్లు, విలన్లు సెట్ అవ్వడం పెద్ద సమస్యగా మారిపోయింది. చిరంజీవి, వెంకటేష్, బాలకృష్ణ, నాగార్జున వంటి వారందరూ ఈ సమస్యను ఎదుర్కోవాల్సి వస్తోంది. వీళ్ళలో ముఖ్యంగా బాలయ్య ఈ సమస్యను తన ప్రతి సినిమాకి ఫేస్ చేయాల్సి వస్తుంది. బాలయ్య-బోయపాటి కాంబినేషన్ లో వస్తున్న మూడో సినిమాకి ఇప్పటివరకు టైటిల్ మాత్రమే కాదు హీరోయిన్ కూడా ఫిక్స్ అవ్వలేదు.
మధ్యలో సాయేషా ఫైనల్ అయ్యిందని వార్తలొచ్చినప్పటికీ.. ఆఖరి నిమిషంలో ఆమె తప్పుకొందని ఆమె స్థానంలో ప్రగ్యా జైస్వాల్ వచ్చిందని వార్తలు వచ్చినప్పటికీ.. ప్రొడక్షన్ హౌజ్ మాత్రం కన్ఫర్మ్ చేయలేదు. ఇప్పుడు విలన్ విషయంలోనూ అదే సమస్య. ఆల్రెడీ ఈ సినిమాలో శ్రీకాంత్ ఒక విలన్ గా నటిస్తుండగా మెయిన్ విలన్ కోసం సంజయ్ దత్ ను సంప్రదించారు. ఆయన భారీ స్థాయిలో రెమ్యునరేషన్ కోట్ చేయడంతో.. వేరే ఆప్షన్ కోసం వెతుకుతూ ఉండిపోయారు.
దాంతో షూటింగ్ స్టార్ట్ చేసినా విలన్ మాత్రం ఫైనల్ అవ్వడం లేదు. నవీన్ చంద్ర పేరు వినిపించినప్పటికీ.. ఆ విషయంలోనూ స్పష్టత లేదు. పాపం బాలయ్య సినిమాకి ఇన్ని సినిమా కష్టాలు వస్తుండడం పట్ల ఆయన అభిమానులు కూడా బాధపడుతున్నారు. మరి బాలయ్యకు ఈ హీరోయిన్, విలన్ కష్టాలు ఎప్పటికి తీరుతాయో తెలియదు కానీ.. #BB3 ఎప్పటికి పూర్తవుతుందా, ఆయన తదుపరి చిత్రాలు ఎప్పుడు మొదలవుతాయా అని అద్వాన్సులు ఇచ్చిన నిర్మాతలు వెయిట్ చేస్తున్నారు.
Most Recommended Video
బిగ్గెస్ట్ బ్లాక్ బస్టర్ మూవీస్ ను రిజెక్ట్ చేసిన రాజశేఖర్..!
టాలీవుడ్లో సొంత జెట్ విమానాలు కలిగిన హీరోలు వీళ్ళే..!
ఈ 25 మంది హీరోయిన్లు తెలుగు వాళ్ళే .. వీరి సొంత ఊర్లేంటో తెలుసా?
Home