అనసూయ కీలక పాత్రలో నటించిన థ్యాంక్యూ బ్రదర్ సినిమా ఈ నెల 7వ తేదీ నుంచి ఆహా యాప్ లో స్ట్రీమింగ్ అవుతున్న సంగతి తెలిసిందే. గంటన్నర నిడివి ఉన్న ఈ సినిమాకు ప్రేక్షకుల నుంచి నెగిటివ్ రెస్పాన్స్ వచ్చింది. అనసూయ తన పాత్రలో బాగానే నటించినా కథ, కథనంలోని లోపాలు సినిమాకు మైనస్ గా మారాయి. ఈ సినిమాలో ప్రధాన పాత్రధారి అయిన విరాజ్ అశ్విన్ తాజాగా మాట్లాడుతూ అనసూయతో కలిసి నటించడానికి భయపడ్డానని చెప్పుకొచ్చారు.
మొదట తన పాత్ర గురించి విన్న సమయంలో నెగిటివ్ రోల్ అనిపించిందని అయితే సినిమా రిలీజైన తరువాత తన పాత్రను, నటనను ప్రశంసిస్తూ ఫోన్లు వస్తున్నాయని విరాజ్ అశ్విన్ చెప్పుకొచ్చారు. క్లైమాక్స్ సన్నివేశంలో నటనను చూసి అమ్మ తనను హత్తుకుందని విరాజ్ అశ్విన్ వెల్లడించారు. మొదట భయపడినా షూటింగ్ స్పాట్ లోకి అడుగుపెట్టిన తరువాత తనకు భయం పోయిందని విరాజ్ అశ్విన్ తెలిపారు.
అనసూయ కలివిడిగా, సరదాగా ఉండటంతో భయం పోయిందని విరాజ్ అశ్విన్ పేర్కొన్నారు. మరోవైపు అనసూయకు ఈ ఏడాది ఆస్సలు కలిసిరావడం లేదు. ఈ ఏడాది అనసూయ స్పెషల్ సాంగ్ చేసిన చావుకబురు చల్లగా బాక్సాఫీస్ దగ్గర డిజాస్టర్ అనిపించుకున్న సంగతి తెలిసిందే. థ్యాంక్యూ బ్రదర్ సినిమాతో అనసూయ ఖాతాలో మరో ఫ్లాప్ చేరింది. వరుస ఫ్లాపులు అనసూయ కెరీర్ కు మైనస్ గా మారుతున్నాయి. పుష్ప సినిమాతోనైనా అనసూయ సక్సెస్ ట్రాక్ లోకి వస్తారేమో చూడాల్సి ఉంది.
Most Recommended Video
థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
Home