మలయాళీ చిత్రం ప్రేమమ్ తో తమిళ ప్రేక్షకులకు పరిచయం అయిన మడోనా సెబాస్టియన్.. కాధలుమ్ కదంతు పొంగుమ్ తమిళ చిత్రంతో వారికి మరింత దగ్గరైంది. కాధలుమ్ కదంతు పొంగుమ్ చిత్రంలో విజయ్ సేతుపతి సరసన నటించిన ఈ మలయాళీ బ్యూటీ .. తన నటనతో తమిళ తంబిలను కట్టిపడేసింది. దాంతో విశాల్ సరసన నటించేందుకు ఇప్పుడు ఈ భామ రెడీ అయిపోయింది. సూరజ్ దర్శకత్వంలో రోమియో జూలియట్ ఫేమ్ నందగోపాల్ తెరకెక్కించనున్న చిత్రంలో విశాల్ సరసన మడోనా నటించనున్నట్లు కోలీవుడ్ వర్గాల సమాచారం. ఈ చిత్రానికి హిప్ హాప్ ఆది స్వరాలు అందించనున్నాడు. ఈ చిత్రాన్ని ‘కత్తి సండై’ అనే టైటిల్ ను పరిశీలిస్తుండగా.. ఈ చిత్రంపై మరిన్ని వివరాలు త్వరలోనే అధికారికంగా ప్రకటించే అవకాశం ఉంది.
