ఇక ‘యాక్షన్’ ముగిసినట్టేనా..!

విశాల్ హీరోగా సుందర్.సి డైరెక్షన్లో వచ్చిన తాజా చిత్రం ‘యాక్షన్’. నవంబర్ 15న ఈ చిత్రం విడుదలైంది. తమిళ్ తో పాటు తెలుగులో కూడా ఈ చిత్రాన్ని ఏకకాలంలో విడుదల చేశారు. మొదటి షో నుండీ ఈ చిత్రానికి డీసెంట్ టాక్ లభించింది. మొదటి వీకెండ్.. వసూళ్ళు కూడా బాగానే వచ్చాయి. కానీ తరువాత అదే దూకుడు కొనసాగించే విషయంలో మాత్రం విఫలమయ్యిందనే చెప్పాలి. వీక్ డేస్ లో మాత్రం ఈ చిత్రం కనీసం కలెక్షన్లను కూడా నమోదుచేయలేకపోయింది.

ఈ చిత్రాన్ని తెలుగు రాష్ట్రాల్లో 6.7 కోట్లకు విక్రయించారు. అయితే ఫుల్ రన్ ముగిసేసరికి 2.88 కోట్ల షేర్ ను మాత్రమే రాబట్టింది. అంటే కనీసం 50 శాతం కూడా ఈ చిత్రం వెనక్కి రాబట్టలేకపోయింది. విశాల్ చిత్రాలకు తెలుగు రాష్ట్రాల్లో మంచి క్రేజ్ ఉంది. అందుకే ఈ చిత్రాన్ని అంత పెట్టి కొన్నారు. ‘పందెం కోడి2’ లాంటి యావేరేజ్ సినిమా కూడా 7 కోట్ల షేర్ వరకూ కలెక్ట్ చేసింది. కానీ ఈ చిత్రానికి డీసెంట్ టాక్ వచ్చినప్పటికీ కల్లెక్షన్లని రాబట్టలేకపోయింది. నవంబర్ సీజన్లో విడుదలయ్యే సినిమాలకి కలెక్షన్లు అంత ఆశాజనకంగా ఉండవనే సెంటిమెంట్ ఎప్పటినుండో ఉంది. ‘యాక్షన్’ కూడా రాంగ్ టైమింగ్లో రావడం వల్లే ఇలా డిజాస్టర్ అయ్యిందని తెలుస్తుంది.

అర్జున్ సురవరం సినిమా రివ్యూ & రేటింగ్!
రాజా వారు రాణి గారు సినిమా రివ్యూ & రేటింగ్!