‘బిగ్ బాస్’ ఫేమ్ యంగ్ హీరో సయ్యద్ సోహైల్ రియాన్ హీరోగా నటిస్తున్న కొత్త సినిమా ‘మిస్టర్ ప్రెగ్నెంట్’. రూపా కొడవాయుర్ హీరోయిన్‌గా నటిస్తోంది. మైక్ మూవీస్ బ్యానర్‌లో అన్నపరెడ్డి అప్పిరెడ్డి, రవిరెడ్డి సజ్జల నిర్మిస్తున్న ఈ చిత్రాన్ని కొత్త దర్శకుడు శ్రీనివాస్ వింజనంపాటి రూపొందిస్తున్నారు. అన్ని కార్యక్రమాలు పూర్తి చేసుకున్న ‘మిస్టర్ ప్రెగ్నెంట్’ మూవీ త్వరలో విడుదలకు సిద్ధమవుతోంది. ఈ సినిమాలోని పాటలు మంచి ఆదరణ పొందుతున్నాయి.
ఇటీవల కథ వేరుంటది పాట విడుదలై మంచి రెస్పాన్స్ తెచ్చుకుంది. తాజాగా ‘మిస్టర్ ప్రెగ్నెంట్’ చిత్రంలోని మరో పాట హే చెలి లిరికల్ సాంగ్ ను క్రేజీ హీరో విశ్వక్ సేన్ విడుదల చేశారు. హే చెలి పాట ఎలా ఉందో చూస్తే..హే చెలి అడిగానే కౌగిలి, తీయగా తీరాలి ఈ చలి, హే సఖి విరహాలు దేనికి, చేరవా అడుగేసి చెంతకి…నీ మాటలో తీపి, ఏ తాపమో రేపి నీ చూపు చేజాపి నా చూపునే ఆపి..వర్షం గొడుగూ జంట, దారీ అడుగూ జంట..నువ్వూ నేనే నంట, ప్రేమా కవితే, ఒకరే ఒకరై మనమే ఒకటే పయనం మనమే, విడిగా అడుగే పడని జతగా మనమే..అంటూ సాగుతుందీ పాట. ఈ రొమాంటిక్ గీతంలో సోహైల్, రూపా కెమిస్ట్రీ ఆకట్టుకునేలా ఉంది. శ్రావణ్ భరద్వాజ్ స్వరపర్చిన హే చెలి పాటకు శ్రీమణి సాహిత్యాన్ని అందించగా..అనురాగ్ కులకర్ణి పాడారు.
హీరో సోహైల్ ‘మిస్టర్ ప్రెగ్నెంట్’ చిత్రంలో ప్రెగ్నెంట్‌గా కనిపించనున్నాడు. తుది దశలో ఉన్న ‘మిస్టర్ ప్రెగ్నెంట్’ మూవీని త్వరలోనే ప్రేక్షకుల ముందుకు తీసుకొచ్చేందుకు నిర్మాతలు సన్నాహాలు చేస్తున్నారు.
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
