నవంబర్ లో విశ్వరూపం 2 ట్రైలర్!

కమల్ హాసన్ నటుడిగా కాక కథానాయకుడిగా-దర్శకుడిగా-నిర్మాతగా త్రిపాత్రాభినయం చేస్తూ తెరేకక్కించిన చిత్రం “విశ్వరూపం”. కంటెంట్ పరంగా యావరేజ్ సినిమా అయినప్పటికీ.. పోలిటికల్ ఇష్యూస్ కారణంగా కొన్ని అనవసరమైన గొడవలు జరగడంతో విపరీతమైన పబ్లిసిటీ దక్కించుకొని కోట్లు కొల్లగొట్టింది. ఆ సినిమా విడుదల టైమ్ లోనే సీక్వెల్ గా “విశ్వరూపం 2″ను ఎనౌన్స్ చేసిన కమల్ హాసన్ నాలుగేళ్లుగా ఆ ప్రొజెక్ట్ ను పెండింగ్ లో పెట్టాడు. అయితే.. ఇటీవల తమిళ నిర్మాణ సంస్థ లైకాతో కలిసి తన ఆగిపోయిన సినిమాలను పూర్తి చేసే పనిలో ఉన్నాడు కమల్.

ప్రస్తుతం “విశ్వరూపం 2” పోస్ట్ ప్రొడక్షన్ వర్క్స్ పూర్తికావచ్చాయి. ట్రైలర్ కట్ రెడీగా ఉందట, మ్యూజిక్ డైరెక్టర్ జిబ్రాన్ ఆల్రెడీ అవుట్ పుట్ చూశాడట.. అద్భుతంగా వచ్చిందంటూ సోషల్ మీడియాలో షేర్ చేశాడు. కమల్ హాసన్ సరసన పూజాకుమార్, ఆండ్రియాలు కథానాయికలుగా నటించిన ఈ చిత్రంలో బాలీవుడ్ నటుడు రాహుల్ బోస్ ప్రతినాయక పాత్ర పోషించడం విశేషం. ఈ ఏడాది డిసెంబర్ లో “విశ్వరూపం 2″ను విడుదల చేసేందుకు దర్శకనిర్మాత కమల్ హాసన్ సన్నాహాలు చేస్తున్నట్లు సమాచారం. అలాగే.. సగం షూట్ చేసి ఆపేసిన కమల్ హాసన్ కు అత్యంత ముఖ్యమైన “మరునాదయాగం”ను కూడా త్వరలోనే పూర్తి చేసి 2018లో విడుదల చేసేందుకు సన్నద్ధమవుతున్నాడు కమల్.