దక్షిణాది భాషల్లో టాప్ హీరోయిన్ గా తెలిసిన అనుష్క బాహుబలితో ఉత్తరాది ప్రజలకు దగ్గరయింది. ఆమె సినిమాలంటే థియేటర్ కి వచ్చే అభిమానులు ఇప్పుడు నార్త్ ఇండియాలో ఉన్నారు. ఆ విషయాన్నీ దృష్టిలో ఉంచుకొని అనుష్క తాజా చిత్రానికి హంగులు జోడిస్తున్నారు. పిల్ల జమీందార్ ఫేం అశోక్ దర్శకత్వంలో అనుష్క భామతి అనే సినిమా చేస్తోంది. ఈ మూవీ రెండు రోజుల క్రితం షూటింగ్ పూర్తి చేసుకొని పోస్ట్ ప్రొడక్షన్ వర్క్ మొదలు పెట్టింది. యూవీ క్రియేషన్స్ బ్యానర్ పై వంశీ, ప్రమోద్ లు నిర్మిస్తున్న ఈ సినిమాలో విజువల్ ఎఫెక్ట్స్ భారీగా ఉండనున్నట్లు తెలిసింది. అందుకోసమే రెండు నెలలు కేటాయించినట్లు చిత్ర బృందం వెల్లడించింది.
ప్రస్తుతం ముంబైలో జరుగుతున్న వీఎఫ్ఎక్స్ పనులు నవంబర్ వరకు జరుగుతాయని, డిసెంబర్ లో సినిమా విడుదల చేస్తామని తెలిపింది. అలాగే వినాయక చవితికి భాగమతి మూవీ ఫస్ట్ లుక్ రిలీజ్ కానుంది. తెలుగు తో పాటు తమిళం, హిందీలో ఒకే సారి రిలీజ్ కానున్న ఈ చిత్రంలో యువ నటుడు ఆది పినిశెట్టి విలన్ గా నటిస్తుండగా, ఉన్ని ముకుందన్ కీలక రోల్ పోషించారు.
Also, do SUBSCRIBE to our YouTube channel to get latest Tollywood updates.
