Viva Harsha, Chiranjeevi: చిరంజీవి సపోర్ట్ తో వైవా హర్ష బ్లాక్ బస్టర్ సాధిస్తారా?

మెగాస్టార్ చిరంజీవి చిన్న సినిమాలకు సపోర్ట్ చేసే విషయంలో ముందువరసలో ఉంటారనే సంగతి తెలిసిందే. చిరంజీవి సపోర్ట్ చేసిన హనుమాన్ మూవీ 300 కోట్ల రూపాయల గ్రాస్ కలెక్షన్లను సాధించి ఏ స్థాయిలో హిట్టైందో ప్రత్యేకంగా చెప్పాల్సిన అవసరం లేదు. చిరంజీవి మరో చిన్న సినిమా సుందరం మాస్టర్ ట్రైలర్ ను రిలీజ్ చేసి తన వంతు సహాయసహకారాలు అందించారు. వైవా హర్ష ఎంతో కష్టపడి టాలెంట్ తో కెరీర్ పరంగా ఎదిగారు.

వైవా హర్ష చిరంజీవి స్నేహితుడి కొడుకు కాగా ఒక సందర్భంలో చిరంజీవి ఈ విషయాలను వెల్లడించారు. సుందరం మాస్టర్ ట్రైలర్ లాంఛ్ చేసిన చిరంజీవి మాట్లాడుతూ సుందరం మాస్టర్ ఫన్నీ మూవీ అని ఈ సినిమాలోని పాత్ర హర్షకు టైలర్ మేడ్ పాత్ర అని అన్నారు. హర్ష తన టాలెంట్ తో కష్టపడి ఇండస్ట్రీలో ఒక్కో మెట్టు పైకి ఎదిగాడని చిరంజీవి చెప్పుకొచ్చారు. అందరినీ తన యాక్టింగ్ స్కిల్స్ తో ఆకట్టుకుని హర్ష హీరో స్థాయికి ఎదిగాడని ఆయన అన్నారు.

ఈ సినిమా కంటెంట్ లో ఒక ఎమోషన్ కూడా ఉందని మేకర్స్ చెబుతున్నారని ఈ సినిమాకు ప్రేక్షకులు కచ్చితంగా సక్సెస్ అందిస్తారని నమ్మకం ఉందని చిరంజీవి చెప్పుకొచ్చారు. ఎవరి సపోర్ట్ లేకుండా మనం వచ్చామని కేవలం సబ్జెక్ట్ ను నమ్ముకుని వచ్చామని ఆయన కామెంట్లు చేశారు. సుందరం మాస్టర్ ట్రైలర్ కు రికార్డ్ స్థాయిలో వ్యూస్ వస్తున్నాయి. దివ్య శ్రీపాద ఈ సినిమాలో హీరోయిన్ గా నటించారు.

ఈ నెల 23వ తేదీన ఈ సినిమా రిలీజ్ కానుంది. పెద్దగా పోటీ లేకుండానే ఈ సినిమా థియేటర్లలో విడుదల కానుంది. సుందరం మాస్టర్ సులువుగానే బ్రేక్ ఈవెన్ అవుతుందని ఫ్యాన్స్ ఫీలవుతున్నారు. సుందరం మాస్టర్ కలెక్షన్ల పరంగా ఏ రేంజ్ కు వెళ్తుందో చూడాలి. ఈ సినిమా సక్సెస్ సాధిస్తే హర్ష (Viva Harsha) హీరోగా మరిన్ని ప్రాజెక్ట్ లలో నటించే ఛాన్స్ అయితే ఉంది.

ఊరిపేరు భైరవ కోన సినిమా రివ్యూ & రేటింగ్!

‘దయా గాడి దండయాత్ర’ కి 9 ఏళ్ళు!
ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!