టాలీవుడ్ లో నేచురల్ స్టార్ గా ఎదిగిన నానికి ఈ మధ్యకాలంలో సరైన హిట్టు పడలేదు. భారీ అంచనాల మధ్య విడుదలైన ‘గ్యాంగ్ లీడర్’ సినిమా కమర్షియల్ గా వర్కవుట్ కాలేదు. రీసెంట్ గా ఓటీటీలో రిలీజైన ‘వి’ సినిమాకి ప్లాప్ టాక్ వచ్చింది. దీంతో తన తదుపరి సినిమాల విషయంలో నాని జాగ్రత్తగా వ్యవహరిస్తున్నాడు. ప్రస్తుతం ‘టక్ జగదీశ్’ సినిమాలో నటిస్తోన్న నాని.. అది పూర్తయిన తరువాత ‘శ్యామ్ సింగరాయ్’ సినిమాలో నటించబోతున్నాడు.
రాహుల్ సాంకృత్యాన్ డైరెక్ట్ చేయనున్న ఈ సినిమాలో ముగ్గురు హీరోయిన్లు కనిపించనున్నారు. ఇదిలా ఉండగా.. తాజాగా మరో ప్రాజెక్ట్ ని నాని లైన్ లో పెట్టినట్లు తెలుస్తోంది. ‘గ్యాంగ్ లీడర్’ సినిమాను నిర్మించిన మైత్రి మూవీస్ బ్యానర్లో ఈ సినిమా తెరకెక్కనుందని సమాచారం. నిజానికి గ్యాంగ్ లీడర్ సినిమాతో మైత్రి వారు ఆర్థికంగా ఎఫెక్ట్ అవ్వడంతో.. నాని మరో సినిమా చేస్తాననని మాటిచ్చినట్లు తెలుస్తోంది. అందులో భాగంగానే ఈ నిర్మాణ సంస్థతో సినిమాకి గ్రీన్ సిగ్నల్ ఇచ్చినట్లు సమాచారం.
టాలెంటెడ్ డైరెక్టర్ వివేక్ ఆత్రేయ ఈ సినిమాను డైరెక్ట్ చేస్తారట. ‘బ్రోచేవారెవరురా’ సినిమా తరువాత వివేక్ గ్యాప్ తీసుకున్నాడు. ఇప్పుడు నాని సినిమాతో మరో హిట్ అందుకోవాలని చూస్తున్నాడు. ఈ సినిమాలో దాదాపుగా రష్మికని హీరోయిన్ గా తీసుకునే ఛాన్స్ ఉందని సమాచారం.
Most Recommended Video
ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!
