తమిళ బుల్లితెర నటి విజె చిత్ర(28) బుధవారం నాడు హోటల్ రూమ్ లో ఉరేసుకొని మరణించిన సంగతి తెలిసిందే. అయితే ఈమె మృతిపై అనుమానాలు వ్యక్తం చేస్తూ ఆమె తల్లితండ్రులు పోలీసులకు ఫిర్యాదు చేశారు. నటిగా బిజీగా ఉన్న సమయంలోనే రెండు నెలల క్రితం హేమనాథ్ అనే వ్యాపారవేత్తతో చిత్రకి నిశ్చితార్ధం జరిగింది. జనవరిలో వీరిద్దరికి పెళ్లి జరగాల్సి ఉండగా.. ఇద్దరూ సీక్రెట్ గా అక్టోబర్ 19న రిజిస్టర్ మ్యారేజ్ చేసుకున్నారు. ఇదిలా ఉండగా తను నటిస్తోన్న ‘పాండ్యన్‌ స్టోర్స్’ అనే సీరియల్ షూటింగ్ పూందమల్లి సమీపంలోని ఫిలింసిటీలో జరుగుతుండటంతో.. సీరియల్ నిర్మాతలు షూటింగ్ కి దగ్గరగా ఉండే పళంజూరులోని హోటల్‌లో చిత్రకి వసతి కల్పించారు. హోటల్ లో చిత్రతో పాటు హేమనాథ్ కూడా బస చేశారు.
బుధవారం తెల్లవారుజామున 2 గంటల వరకు షూటింగ్ పాల్గొన్న చిత్ర ఆ తరువాత హోటల్ రూమ్ కి చేరుకున్నారు. స్నానానికి వెళ్లి వస్తానంటూ హేమనాథ్‌కు చెప్పి వెళ్లిన ఆమె ఎంతసేపటికి బయటకి రాకపోవడంతో హేమనాథ్ తలుపులు తట్టాడు. కానీ ఆమె ఓపెన్ చేయకపోవడంతో హోటల్ సిబ్బందిని పిలిపించి మారు తాళాలతో ఆ గది తెరచి చూడగా.. చిత్ర ఉరేసుకొని కనిపించింది. వెంటనే పోలీసులకు ఫిర్యాదు చేయగా.. హుటాహుటిన అక్కడికి చేరుకుని చిత్ర బాడీను హాస్పిటల్ కి తరలించారు. విషయం తెలుసుకున్న చిత్ర ఫ్యామిలీ, ఆమె స్నేహితులు హాస్పిటల్ కి వెళ్లారు. చిత్ర ముఖంపై రెండు చోట్ల గాయాలున్నట్లు పోలీసులు తెలిపారు.
హేమనాథ్ తో చిత్రకు గొడవలు జరిగి ఉంటాయని.. ఆ కారణంగానే ఆమె సూసైడ్ చేసుకొని ఉంటుందనే కోణంలో పోలీసులు దర్యాప్తు చేస్తున్నారు. హత్యకి గురై ఉండొచ్చనే అనుమానం కూడా తమకుందని పోలీసులు తెలిపారు. ప్రస్తుతానికి హేమనాథ్ ని అదుపులోకి తీసుకున్న పోలీసులు విచారణ మొదలుపెట్టారు. అతడితే పాటు హోటల్ ఉద్యోగి గణేష్‌ను కూడా అదుపులోకి తీసుకున్నామని పోలీసులు తెలిపారు. అంతే కాకుండా ఆ హోటల్, పరిసర ప్రాంతాల్లో ఉన్న సీసీ కెమెరాల్లో నమోదైన దృశ్యాల ఆధారంగా దర్యాప్తు చేపడతామన్నారు. చిత్ర సూసైడ్ చేసుకునేంత పిరికిది కాదంటూ ఆమె తండ్రి కామరాజ్ పోలీసులకు ఫిర్యాదు చేశారు.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
