పూరి జగన్నాథ్ గురించి వినాయక్ తెలిపిన ఆసక్తికరమైన విషయాలు..!

December 6, 2020 / 07:01 AM ISTByFilmy Focus

Join Us

పూరి జగన్నాథ్ గురించి వినాయక్ తెలిపిన ఆసక్తికరమైన విషయాలు..!

హీరోల మధ్య మాత్రమే కాదు. టాలీవుడ్ లో దర్శకుల మధ్య కూడా మంచి సాన్నిహిత్యం ఉంటుంది అనడంలో సందేహం లేదు. చెప్పాలంటే.. ఈ లిస్ట్ కూడా చాలా పెద్దదే..! అయితే.. మనం ముఖ్యంగా చెప్పుకోవాల్సింది వి.వి.వినాయక్ , పూరి జగన్నాథ్ ల గురించి. నిజ జీవితంలో ఇద్దరూ మంచి స్నేహితులు. పూరి మీద ఉన్న అభిమానంతో. ఆయన తెరకెక్కించిన నేనింతే చిత్రంలో కీలక పాత్ర పోషించాడు వినాయక్. అంతేకాదు అతను ఏ ఇంటర్వ్యూకి వచ్చినప్పటికీ..

పూరి జగన్నాథ్ గురించి ప్రస్తావిస్తూ ఉంటాడు.మొన్నామధ్య వినాయక్ పాల్గొన్న ఓ ఇంటర్వ్యూలో కూడా పూరి గురించి ఆసక్తికరమైన కామెంట్లు చేశాడు. వినాయక్ మాట్లాడుతూ..”పూరి జగన్నాథ్ కు ఉన్న గట్స్ టాలీవుడ్లో నేను ఏ డైరెక్టర్ దగ్గర చూడలేదు. సినిమాని తెరకెక్కించడానికి అతనికి ఉండే ప్లానింగ్ కానీ.. రిలీజ్ అయ్యాక ఆ రిజల్ట్ ను ఫేస్ చెయ్యడానికి కానీ.. అతను నమోషీ ఫీలవ్వడు. ఆ రిజల్ట్ ను పట్టించుకోకుండా నెక్స్ట్ సినిమా పై ఫోకస్ పెడుతుంటాడు.

ఒకవేళ ఏ నిర్మాత అయినా ఛాన్స్ ఇవ్వకపోతే తనే .. స్వయంగా సినిమాని నిర్మించి బ్లాక్ బస్టర్ కొడుతుంటాడు. అతను చేసిన అప్పులన్నీ ఇస్మార్ట్ శంకర్ తో తీర్చేసాడు. లాభాలు కూడా అందుకుని మళ్లీ బిజీ అయిపోయాడు” అంటూ పూరి పై పొగడ్తల వర్షం కురిపించాడు.