వైజయంతి మూవీస్‌ అంటే భారీ సినిమా అంటుంటారు. ఇప్పుడు చాలా నిర్మాణ సంస్థలు భారీ సినిమాలు తీస్తున్నాయి కానీ.. ఒకప్పుడు వైజయంతి మూవీస్‌ అంటేనే భారీ కాంబినేషన్లు, భారీ సెట్లు, కథలు, ఆలోచనలు, కాస్టింగ్‌.. ఇలా అన్నింటా భారీనే. అలాంటి వైజయంతి పతాకం 50 ఏళ్లు పూర్తి చేసుకునే ఏడాది చేస్తున్న సినిమా అంటే ఎలా ఉండాలి. అందుకే అన్నింటా భారీగా ఉండేలా చూసుకుంటున్నారు. ప్రభాస్‌, దీపికా పదుకొణె, అమితాబ్‌ అంటూ పెద్ద క్యాస్టింగే చూసుకుంటున్నారు. ఇప్పుడు దీనికి సాగరకన్య కూడా కలిసిందని సమాచారం.
ప్రభాస్‌ – నాగ్‌ ఆశ్విన్‌ కలయికలో రూపొందుతున్న ఈ సినిమా ప్రీ ప్రొడక్షన్‌ పనులు జరుగుతున్నాయి. అదే సమయంలో నటీనటులు, సాంకేతిక నిపుణుల ఎంపిక కూడా జరుగుతోంది. దీని కోసం ఇటీవల టీమ్‌ వెళ్లి శిల్పా శెట్టిని కలిసిందట. అయితే ఏ పాత్ర కోసం అనే సమాచారం అయితే రావడం లేదు. త్వరలోనే ఆమె పాత్రకు సంబంధించి అధికారిక ప్రకటన ఉండొచ్చని అంటున్నారు. ఒకవేళ అదే జరిగితే సాగరకన్య 20 ఏళ్ల తర్వాత తెలుగులోకి వస్తోందన్నమాట. ఆమె చివరిగా 2001లో బాలకృష్ణ ‘భలే వాడివి బాసూ’లో నటించింది.
శిల్పా శెట్టి తెలుగు సినిమా ముచ్చట గత కొద్ది రోజులుగా వినిపిస్తూనే ఉంది. ఎన్టీఆర్‌ – త్రివిక్రమ్‌ సినిమాలోనూ శిల్ప నటిస్తారని ఆ మధ్య వార్తలొచ్చాయి. అయితే అప్పుడు కూడా ఎలాంటి అధికారిక స్పందన లేదు. మామూలుగా త్రివిక్రమ్‌ అంటే పాత తరం హిట్ నాయికను తీసుకొస్తుంటారు. ఆయన గత సినిమాల ట్రెండ్‌ ఇదే. దీంతో శిల్ప ఏ సినిమాతో తెలుగులో రీ ఎంట్రీ ఇస్తుందనే విషయం ఇప్పుడు ఆసక్తిగా మారింది.
Most Recommended Video
రంగ్ దే సినిమా రివ్యూ & రేటింగ్!
అరణ్య సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
