ఈ ఏడాది సంక్రాంతికి బాక్సాఫీసు దగ్గర వసూళ్ల సునామీ వచ్చిందని చెప్పాలి. ఒకే సీజన్‌లో ఇద్దరు పెద్ద హీరోల సినిమాలు విజయం సాధిస్తే.. ఎలా ఉంటుందో ఈ సంక్రాంతి చూస్తే తెలుస్తుంది. ఓవైపు చిరంజీవి ‘వాల్తేరు వీరయ్య’, మరోవైపు బాలకృష్ణ ‘వీర సింహా రెడ్డి’ వచ్చి అదరగొట్టాయి. ఆ సీజన్‌ ఫైట్‌ ఇప్పటికీ కొనసాగుతోంది. అయితే ఇప్పుడు థియేటర్లలో కాదు.. ఓటీటీలో. నెట్‌ఫ్లిక్స్‌లో ‘వాల్తేరు వీరయ్య’ అదరగొడుతుంటే.. హాట్స్టార్లో ‘వీర సింహా రెడ్డి’ అదరగొడుతున్నాడు. ఆయా ఓటీటీల్లో ఈ సినిమా పవర్‌ కనిపిస్తోంది.
‘వీర సింహా రెడ్డి’ సినిమా డిస్నీ ప్లస్‌ హాట్‌ స్టార్‌లో వస్తోందంటూ ఆ టీమ్‌ పెద్ద ఎత్తున ప్రచారం చేస్తోంది. కొత్తగా సినిమా విడుదలవుతున్నట్లు టీజర్‌లు, స్పెషల్‌ సాంగ్‌లు రిలీజ్‌ చేసి హడావుడి చేసింది. అనుకున్నట్లుగానే సినిమాకు ‘అఖండ’ రేంజి ఆదరణ కనిపిస్తోంది అంట. హాట్స్టార్లో ‘అఖండ’ సృష్టించిన తుపాను మామూలుది కాదు. ఒక్కసారిగా హాట్‌స్టార్‌ పేరు మారుమోగిపోయింది. దీంతో అదే స్థాయి సిక్సర్‌ ఎక్స్‌పెక్ట్ చేసి సాధించింది హాట్‌స్టార్‌.
మరోవైపు వివిధ కారణాల వల్ల నెట్‌ఫ్లిక్స్‌ ఎలాంటి ప్రచారం లేకుండా ‘వాల్తేరు వీరయ్య’ను రిలీజ్‌ చేసేసింది. ఇప్పుడు చూస్తే నెట్‌ఫ్లిక్స్‌ ట్రెండింగ్‌ అండ్‌ టాప్ లిస్ట్‌లో వాల్తేరు వీరయ్య తొలి స్థానంలో నిలిచింది. ఈ మేరకు కొన్ని స్క్రీన్‌షాట్‌లు సోషల్‌ మీడియాలో వైరల్‌గా మారాయి. ఎవరికి వారు తమ హీరో సినిమా ఓటీటీలో అదరగొడుతోంది అంటే తమ హీరో సినిమా అదరగొడుతోంది అంటూ రాసుకొస్తున్నారు. ఫైనల్‌గా చెప్పేదేంటంటే..
ఇద్దరి సినిమాలు ఓటీటీలో దూసుకుపోతున్నాయి. అలా ఓటీటీలకు కూడా సంక్రాంతి సినిమాలు మంచి ఊపును తీసుకొచ్చాయి అని చెప్పొచ్చు. గోపీచంద్‌ మలినేని దర్శకత్వంలో బాలయ్య ‘వీర సింహా రెడ్డి’ రూపొంది జనవరి 12న విడుదలైంది. బాబీ కొల్లి డైరక్షన్‌ ‘వాల్తేరు వీరయ్య’ జనవరి 13న వచ్చింది. ఈ రెండు సినిమాల్లోనూ శ్రుతి హాసన్‌ హీరోయిన్‌. ఇక మైత్రీ మూవీ మేకర్స్‌ ఈ రెండు సినిమాలను నిర్మించింది.
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
