‘గాడ్ఫాదర్’ చూసి.. ఆనందంతో మనసును నింపుకున్న అభిమానులకు మరో గుడ్ న్యూస్. మరో రెండు వారాల తర్వాత బంపర్ దీపావళి గిఫ్ట్ రాబోతోంది. ఒకవేళ మీరు చిరంజీవి సినిమాల అప్డేట్లను బాగా ఫాలో అయ్యేవాళ్లయితే ఆ రోజు ఏం రాబోతోందో మీకే అర్థమైపోతుంది. అదేనండీ.. #మెగా154 నుండి సర్ప్రైజ్ గిఫ్ట్ రాబోతోతోంది. ఈ సినిమాకు సంబంధించి టీజర్ను దీపావళి కానుకగా విడుదల చేయడానికి చిత్రబృందం రెడీ అవుతోందని టాక్ వినిపిస్తోంది.
చిరంజీవి – రవితేజ – బాబీ కాంబినేషన్లో రూపొందుతున్న చిత్రం ‘వాల్తేరు వీరయ్య’. ఈ సినిమా టైటిల్ను అధికారికంగా ప్రకటించలేదు కానీ.. చిరంజీవే స్వయంగా చెప్పారు అనుకోండి. ఈ సినిమాకు సంబంధించి టీజర్ను దీపావళికి ఇచ్చేద్దాం అని టీమ్ అనుకుంటోందట. దీంతో ‘గాడ్ఫాదర్’ ఆనందంలో ఉన్న అభిమానులకు వచ్చే సంక్రాంతి ఎలా ఉండబోతోందో చెప్పొచ్చు అని అనుకుంటున్నారు. ప్రెస్టీజియస్ పొంగల్ ఫైట్లో చిరు లుక్, కాన్సెప్ట్ టీజర్తో చెప్పే ప్రయత్నం సాగుతోందట.
ఒకవేళ మరీ ఎర్లీ అనుకుంటే.. పోస్టర్ విత్ గ్లింప్స్ లాంటివి రావచ్చు అనే మాట కూడా వినిపిస్తోంది. దీనిపై ఒకట్రెండు రోజుల్లో ఫుల్ క్లారిటీ వచ్చే అవకాశం ఉంది. ఈ సినిమాకు సంబంధించి ఇప్పటివరకు బయటకు వచ్చిన సమాచారం అయితే.. ఈ సినిమా విశాఖపట్నం బీచ్ నేపథ్యంలో సాగుతుంది. ఇందులో చిరంజీవి అండర్కవర్ కాప్గా కనిపిస్తాడని తొలుత వార్తలు వచ్చాయి. ఆ తర్వాత డాన్గా కనిపిస్తాడు అని కూడా అన్నారు. మరి టీజర్ / గ్లింప్స్లో దీనిపై ఏమన్నా క్లారిటీ వస్తుందేమో చూడాలి.
శ్రుతి హాసన్ కథానాయికగా నటిస్తున్న ఈ సినిమాను మైత్రీ మూవీ మేకర్స్ తెరకెక్కిస్తోంది. ఈ సినిమాను 2023 సంక్రాంతి సందర్భంగా విడుదల చేయాలని చూస్తున్నారు. అయితే సంక్రాంతికి ‘ఆదిపురుష్’, ‘వారసుడు’ (వారిసు) లైన్లో ఉన్నాయి. అయినప్పటికీ.. మూడు సినిమాలను బరిలో ఉంచాలని చూస్తున్నారట. మధ్యలో బాలకృష్ణ – గోపీచంద్ మలినేని సినిమా వస్తుంది అనుకున్నారు కానీ.. ఆ సినిమాను డిసెంబరులో తీసుకొచ్చేద్దామని అనుకంటున్నారట. సో పొంగల్ ఫైట్ ఫస్ట్ రుచి దీపావళికి చూడొచ్చు.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
