బాలకృష్ణతో పోటీకి సిద్ధమవుతున్న బోయపాటి శ్రీను

ఆల్రెడీ ఎన్టీఆర్ బయోపిక్ విడుదల అనంతరం బోయపాటితో తన స్వంత బ్యానర్ లోనే సినిమాను ఎనౌన్స్ చేసిన బాలకృష్ణతో దర్శకుడు బోయపాటికి వార్ ఏంటా అనుకుంటున్నారా. ఈ సక్సెస్ ఫుల్ కాంబో సంక్రాంతికి తలపడనున్నారు. జనవరి 9న ఎన్టీఆర్ కథానాయకుడు విడుదలవుతుండగా.. జనవరి 11న వినయ విధేయ రామ విడుదలకానుంది. ఈ రెండు సినిమాలు వేటికవే విభిన్నమైనవి. నిన్నటితరం ప్రేక్షకులు, నందమూరి అభిమానులందరూ ఎన్టీఆర్ బయోపిక్ కోసం వెయిట్ చేస్తుంటే.. నవతరం ప్రేక్షకులు, మాస్ అభిమానులు వినయ విధేయ రామ కోసం వెయిట్ చేస్తున్నారు. ఈ రెండూ సరిపోవన్నట్లు మధ్యలో మన సూపర్ స్టార్ రజనీకాంత్ “పెట్ట”తో ప్రేక్షకుల్ని పలకరించనున్నాడు.

సంక్రాంతి తర్వాత కలిసి పనిచేయనున్న బాలయ్య-బోయపాటిలు సంక్రాంతికి మాత్రం బాక్సాఫీస్ వద్ద ఢీకొట్టుకోనున్నారు. ఆల్రెడీ క్రితం సంక్రాంతికి “జైసింహా”తో సూపర్ హిట్ కొట్టి ఫుల్ ఫామ్ లో ఉన్న నందమూరి బాలకృష్ణ ఈ ఏడాది కూడా ఆ సక్సెస్ ను రిపీట్ చేయాలనుకుంటుండగా.. “రంగస్థలం”తో ఇండస్ట్రీ హిట్ కొట్టిన రామ్ చరణ్ కూడా బాక్సాఫీస్ దగ్గర మరోమారు సందడి చేయాలని ఫిక్స్ అయిపోయాడు. మరి ఈ ఇద్దరిలో ఎవరు విజయం సాధిస్తారు? అనేది తెలియాలంటే సంక్రాంతివరకు ఆగాల్సిందే.