Warina Hussain: ‘గాడ్ ఫాదర్’ ఐటెం సాంగ్ కోసం కోట్లలో ఖర్చు!

మెగాస్టార్ చిరంజీవి నటించిన లేటెస్ట్ సినిమా ‘గాడ్ ఫాదర్’. మలయాళ ‘లూసిఫర్’ సినిమాకి ఇది రీమేక్. తెలుగు ప్రేక్షకుల అభిరుచికి తగ్గట్లు కథలో కొన్ని మార్పులు, చేర్పులు చేశారు. మోహన్ రాజా డైరెక్ట్ చేసిన ఈ సినిమా అక్టోబర్ 5న ప్రేక్షకుల ముందుకు రానుంది. ఇదిలా ఉండగా.. ఈ సినిమాలో ఒక ఐటెం సాంగ్ ను యాడ్ చేసినట్లు తెలుస్తోంది. సల్మాన్ ఖాన్, చిరంజీవిల మీద ఒక సాంగ్ ను చిత్రీకరించారు.

కానీ అది సినిమాలో సెట్ కాకపోవడంతో రోలింగ్ టైటిల్స్ మీదకు మార్చినట్లు సమాచారం. అందుకే ఒక ఐటెం సాంగ్ ను అప్పటికప్పుడు ప్లాన్ చేసి షూట్ చేసినట్లు తెలుస్తోంది. నిజానికి ఇందులో ఎవరైనా స్టార్ హీరోయిన్ ను తీసుకోవాలనుకున్నారు. కానీ ఆఖరి నిమిషంలో ఎవరూ సెట్ కాలేదు. దీంతో ‘బింబిసార’ బ్యూటీని రంగంలోకి దింపారు. కళ్యాణ్ రామ్ నటించిన ‘బింబిసార’లో ఒక స్పెషల్ సాంగ్ ఉంటుంది. అందులో వరినా హుస్సేన్ నటించింది.

ఆమెను ‘గాడ్ ఫాదర్’ సినిమాలో ఐటెం సాంగ్ కోసం తీసుకొచ్చారు. ఈ స్పెషల్ సాంగ్ కోసం కోటిన్నర ఖర్చయినట్లు తెలుస్తోంది. మరి మెగాస్టార్ తో వరినా ఏ రేంజ్ లో స్టెప్స్ వేసిందో చూడాలంటే కొన్ని రోజులు ఆగాల్సిందే. సత్యదేవా, నయనతార, సల్మాన్ ఖాన్ లాంటి తారలు నటించిన ఈ సినిమాపై మంచి అంచనాలు ఏర్పడ్డాయి.

తెలుగుతో పాటు హిందీలో కూడా ఈ సినిమాను రిలీజ్ చేయనున్నారు. సెప్టెంబర్ 28న అనంతపురంలో ఈ సినిమా ప్రీరిలీజ్ ఈవెంట్ ను గ్రాండ్ గా నిర్వహించనున్నారు. అలానే ముంబైలో కూడా ఒక ఈవెంట్ ను ప్లాన్ చేస్తున్నారు.

కృష్ణ వృంద విహారి సినిమా రివ్యూ & రేటింగ్!

Most Recommended Video

అల్లూరి సినిమా రివ్యూ & రేటింగ్!
‘బిగ్ బాస్ 6’ కంటెస్టెంట్ ఇనయ సుల్తానా గురించి ఆసక్తికర విషయాలు..!
‘బిగ్ బాస్6’ కంటెస్టెంట్ అభినయ శ్రీ గురించి 10 ఆసక్తికరమైన విషయాలు..!