“శ్రీనివాస కళ్యాణం” పరాజయం తర్వాత ఇప్పటివరకూ నితిన్ తన తదుపరి చిత్రం ఏమిటనే విషయమై అఫీషియల్ కన్ఫర్మేషన్ ఇవ్వలేదు. “లై, చల్ మోహన్ రంగ, శ్రీనివాస కళ్యాణం”తో హ్యాటిక్ ఫ్లాప్స్ రావడంతో నితిన్ కాస్త బ్రేజ్ తీసుకొన్నాడు. అయితే.. నిన్న సాయంత్రం జరిగిన కథానాయిక రాశీఖాన్నా బర్త్ డే పార్టీలో చేతికి కట్టుతో ప్రత్యక్షమైన నితిన్ ఫోటోలు ఇప్పుడే విడుదలయ్యాయి. దాంతో నితిన్ చేతికి ఏమైంది అంటూ ఆరాలు మొదలయ్యాయి. జిమ్ వర్కవుట్ చేస్తుంటే.. ఏమైనా తేడా కొట్టిందా లేక ఏదైనా సర్జరీ చేయించుకున్నాడా అనేది తెలియాల్సి ఉంది.
ఇకపోతే.. వెంకీ కుడుములతో అనుకున్న సినిమా ఇంకా ప‌ట్టాలెక్క‌కుండానే.. ఇప్పుడు మరో సినిమా ఒప్పుకొన్నాడు. విభిన్న చిత్రాల ద‌ర్శ‌కుడు చంద్ర‌శేఖ‌ర్ యేలేటి చెప్పిన క‌థ న‌చ్చ‌డంతో ఆయ‌నతో ఓ సినిమా చేసేందుకు ముందుకొచ్చాడు నితిన్. ఈ రెండు సినిమాలు ఒకేసారి పూర్తి చేయాల‌ని చూస్తున్నాడు నితిన్. మరి నితిన్ ప్లాన్ వర్కవుట్ అయ్యి మళ్ళీ హిట్ ఫామ్ లోకి వస్తాడో లేదో చూడాలి.
