తేజ అంటే ఒక సంచలనం. చిన్న సినిమాలను పెద్ద హిట్ చేయడంలో ఆయన సిద్ధహస్తుడు. ఇదంతా ఆయన పెద్ద హీరోలతో సినిమాలు చేయకముందు వరకే అని చెప్పాలి. ‘చిత్రం’, ‘జయం’ లాంటి సినిమాలతో ‘హీ ఈజ్‌ సమ్‌థింగ్‌’ అనిపించుకున్నారు. ‘నిజం’తో స్టార్‌ హీరో ఇమేజ్‌ను హ్యాండిల్‌ చేయలేక చతికిలపడ్డారు. ఆ సినిమా ఇచ్చిన పరాజయం తేజను సరిగ్గా కుదురుకోనివ్వలేదు. ఆ తర్వాత వరుసగా సినిమాలు చేసినా.. సరైన విజయాలు దక్కలేదు.
అయితే తేజ సెకండ్‌ ఇన్నింగ్స్‌లో మళ్లీ జోరు చూపించేలా కనిపించారు. అయితే పెద్ద హీరోల సినిమాలు ఓకే అవుతూనే… ఆగిపోతూ వచ్చాయి. తాజాగా తేజ సినిమాల సంగతి చూస్తే ఈ విషయం క్లియర్‌గా అర్థమవుతోంది. కారణం తేజ రీసెంట్‌గా అనౌన్స్‌ చేసిన రెండు సినిమాలు ఆగిపోవడమే. గోపీచంద్‌తో ‘అలివేలు మంగ వేంకటరమణ’ అనే సినిమా ప్రకటించారు. కానీ ఆ సినిమా ఆగిపోయింది. మరోవైపు రానాతో ‘రాక్షస రాజు రావణాసురుడు’ ప్రకటించారు.. దాని ముచ్చట్లు వినిపించడం లేదు.
దీంతో తేజ పెద్ద హీరోలతో చేసే సినిమాలు అన్నీ ఆగిపోతున్నాయి అనే మాట చర్చకు వస్తోంది. ‘నేనే రాజు నేనే మంత్రి’ చేసి… మంచి విజయం అందుకున్న తేజ… వెంటవెంటనే సినిమాలు ప్రకటించాడు. మరోవైపు ‘చిత్రం’సీక్వెల్‌ కూడా అనౌన్స్‌ చేశారు. పెద్ద హీరో బావమరిదితో ఆ సినిమా అన్నారు. అదికూడా ఆగిపోయింది. ఇప్పుడు దగ్గుబాటి అభిమరామ్‌తో ‘అహింస’ ఒక్కటే చేస్తున్నాడు. ఈసినిమా హిట్ అయితే వరుస అవకాశాలొస్తాయేమో చూడాలి.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
