Chiranjeevi, Pawan Kalyan: చిరంజీవి – పవన్ – త్రివిక్రమ్‌ కాంబో అనౌన్స్‌ చేశారు గుర్తుందా!

November 9, 2021 / 11:17 AM ISTByFilmy Focus

Join Us

Chiranjeevi, Pawan Kalyan: చిరంజీవి – పవన్ – త్రివిక్రమ్‌ కాంబో అనౌన్స్‌ చేశారు గుర్తుందా!

చిరంజీవి – త్రివిక్రమ్‌ కాంబినేషన్‌లో ఓ సినిమా అంటూ గత రెండు రోజులుగా సోషల్‌ మీడియాలో వార్తలు, చర్చలు జోరుగా నడుస్తున్నాయి. మీరు కూడా వాటిని చూసే ఉంటారు. అయితే గతంలో వీరి కాంబినేషన్‌లో ఓ సినిమా అనౌన్స్‌ అయ్యి తర్వాత ఆ ఊసు లేకపోయిన విషయం గుర్తుందా? అంతేకాదు ఆ సినిమాలో పవన్‌ కల్యాణ్‌ కూడా నటిస్తారని చెప్పుకొచ్చారు. ఇది ఇప్పటి మాట కాదు ఎప్పుడో నాలుగేళ్ల క్రితం మాట.

గుర్తొస్తోందా… ఆఁ.. ఆ సినిమానే. సుబ్బరామిరెడ్డి నిర్మాణంలో రూపొందుతుందంటూ భారీ స్థాయిలో అనౌన్స్‌ చేశారు కూడా. చిరంజీవి ‘ఖైదీ నెం 150’ విడుదల తర్వాత అనౌన్స్‌ చేశారు. చిరంజీవి – పవన్‌ కల్యాణ్ హీరోలుగా రూపొందే ఈ సినిమాకు త్రివిక్రమ్‌ శ్రీనివాస్‌ ఈ సినిమాకు దర్శకత్వం వహిస్తారని చెప్పుకొచ్చారు. ఆ తర్వాత ఒకటి, రెండు సార్లు ఈ సినిమా చర్చకు వచ్చినా… ఆ తర్వాత ఎప్పుడూ ఎక్కడ చర్చ లేదు.

ఇప్పుడు మళ్లీ చిరంజీవి – త్రివిక్రమ్‌ కాంబినేషన్‌లో సినిమా అనేసరికి ఆ రోజు అనౌన్స్‌మెంట్‌ గుర్తొచ్చింది. అయితే ఇక్కడో విషయం ఉంది. చిరంజీవి, త్రివిక్రమ్‌ సినిమాకు నిర్మాత ఎవరు అనే విషయం బయటకు రావడం లేదు. గతాన్ని పరిశీలిస్తే… హారిక, హాసిని క్రియేషన్స్‌, కొణిదెల ఎంటర్‌టైన్మెంట్స్‌ కలసి నిర్మించొచ్చు. ఒకవేళ సుబ్బరామిరెడ్డి ముందుకొస్తే… కలవొచ్చు. ఒకవేళ ఇదే జరిగితే… భారీ స్థాయిలో ఈ సినిమా రూపొందే అవకాశం ఉంది.