తెలుగులో వరుస సినిమాలు చేసినా… ఇంకా అందరి దృష్టిలో పడని హీరో అతను. అయితే ఉన్నట్టుండి నేను బాలీవుడ్‌కి వెళ్తా అంటూ ఓ సినిమా ప్రకటించేశాడు. అంతేనా దాని కోసం ఇక్కడ బ్లాక్‌బస్టర్‌ హిట్‌ కొట్టిన ఓ సినిమాను ఎంచుకున్నాడు. ఆ మాతృక హీరో ఇప్పుడు పాన్‌ ఇండియా స్టార్‌ అయిపోయాడు. త్వరలో సినిమా పనులు కూడా మొదలవబోతున్నాయి. ఏముంది షూటింగ్‌ ఉన్నప్పుడు ఇక్కడి నుండి ముంబయి వెళ్తాడు అనుకుంటున్నారేమో. లేదు లేదు బాబుగారు అక్కడే ఉంటారట. దాని కోసం ఓ ఇల్లు కూడా తీసుకున్నాడక్కడ. ఎవరా హీరో మీకు అర్థమైపోయుంటుంది.
తెలుగు చిత్రపరిశ్రమకు చెందిన ఓ ప్రముఖ నిర్మాత కుమారుడిగా వెండితెరకు పరిచయమై.. విభిన్నమైన కథా చిత్రాలతో ప్రేక్షకులను అలరిస్తున్నాడు బెల్లంకొండ సాయి శ్రీనివాస్‌. ‘అల్లుడు శీను’తో తెలుగు తెరపైకి ఎంట్రీ ఇచ్చిన శ్రీనివాస్‌… ‘రాక్షసుడు’, ‘సాక్ష్యం’, ‘జయ జానకి నాయక’ లాంటి చిత్రాలతో అలరించాడు. ఇప్పుడు బాలీవుడ్‌ ప్రేక్షకుల్నీ మెప్పించేందుకు సిద్ధమవుతున్నాడు. ‘ఛత్రపతి’ రీమేక్‌ హీరోగా బాలీవుడ్‌ ఎంట్రీ ఇవ్వనున్నాడు. ఈ సినిమా రీమేక్‌ బాధ్యతలను వి.వి.వినాయక్‌ చూసుకుంటున్నారు. ప్రస్తుతం ఈ సినిమా ప్రీ ప్రొడెక్షన్‌ పనులు జరుగుతున్నాయి.
ఇప్పుడు ఈ సినిమా కోసం ఇప్పుడు సాయిశ్రీనివాస్‌ ఏకంగా ముంబయికు మకాం మార్చినట్లు సమాచారం. నగరంలోని అత్యంత ఖరీదైన జూహూ ప్రాంతంలో ఆయన ఓ ఫ్లాట్‌ను అద్దెకు తీసుకున్నాడట. ‘ఛత్రపతి’ రీమేక్‌ చిత్రీకరణ పూర్తయ్యేంతవరకూ అక్కడే ఉంటాడని సోషల్‌మీడియాలో వార్తలు చక్కర్లు కొడుతున్నాయి. తాజాగా సాయి శ్రీనివాస్‌ జూహూలోని ఓ జిమ్‌ నుంచి బయటకు వస్తోన్న కొన్ని ఫొటోలు వైరల్ అవుతున్నాయి. మరోవైపు ‘ఛత్రపతి’ తర్వాత బెల్లంకొండ శ్రీనివాస్‌ బీటౌన్‌లో మరికొన్ని ప్రాజెక్ట్‌లు ఓకే చేస్తాడని అని కూడా అనుకుంటున్నారు.
Most Recommended Video
30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!
