Baby Movie: ‘బేబీ’లో మరో కోణం చూపించిన టీమ్‌.. అయితే ఎక్కడో మిస్‌ ఫైర్‌?

ఫీల్‌ గుడ్‌ ఎంటర్‌టైనర్‌, మంచి లవ్‌ స్టోరీ, పద్ధతైన సినిమా, మంచి సినిమా అంటూ ఇన్నాళ్లూ ఓ సినిమా గురించి ప్రచారం జరిగింది. ఇదిగో రిలీజ్‌, అదిగో రిలీజ్‌ అంటూ చెప్పారు. అయితే ఏమైందో ఏమో సినిమా రావడం లేదు. ఎలాంటి సినిమానైనా అదిరిపోయింది అని ప్రచారం చేయడంలో ముందుండే టీమ్‌ చేతిలో సినిమా ఉంది. అలాంటి టీమ్‌ ఇటీవల ఓ పోస్టర్‌ లాంచ్‌ చేసింది. దీంతో ఆ పోస్టర్‌ మీద, సినిమాల మీద ఇప్పుడు భారీ స్థాయిలో విమర్శలు వస్తున్నాయి. ఆ ఎఫెక్ట్‌ సినిమా మీద పడేలా ఉంది.

మేం చెప్పిందంతా ‘బేబీ’ (Baby Movie) సినిమా గురించే అనే విషయం మీకు అర్థమయ్యే ఉంటుంది. ఆనంద్ దేవరకొండ, వైష్ణవి చైతన్య, విరాజ్‌ అశ్విన్‌ ప్రధాన పాత్రల్లో రూపొందిన సినిమా ఇది. యూట్యూబ్‌లో ఫేమస్‌ అయిన వైష్ణవి చైతన్యను ప్రధానంగా చేసుకుని ఇన్నాళ్లూ ప్రచారం చేశారు. ఆమెకు కాస్త డార్క్‌ మేకప్‌ వేసి.. డిఫరెంట్‌ రోల్‌లో నటిస్తోంది అని కూడా చెప్పారు. అయితే ఇప్పుడు కూడా ఆమెను ప్రధానంగా చేసుకునే ప్రచారం చేస్తున్నారు. అయితే ఆమెను మిడిల్‌ ఫింగర్‌గా చూపిస్తే ప్రచారం చేయడం గమనార్హం.

మిడిల్‌ ఫింగర్‌ ఎప్పుడు, ఎక్కడ, ఎందుకు చూపిస్తారు అనే విషయం మీకు తెలిసే ఉంటుంది. అలాంటి మిడిల్‌ ఫింగర్‌గా అమ్మాయిని చూపించడం వెనుక ఏం ఆశిస్తోంది టీమ్‌ అనేది అర్థం కావడం లేదు. ఆ తర్వాత మరో పోస్టర్‌లో అమ్మాయి పెదవుల మధ్యలో బ్లేడ్‌ పెట్టి ఇంకో ప్రయత్నం చేశారు. దీంతో ఇప్పటివరకు సినిమాపై ఉన్న అభిప్రాయాన్నిసమూలంగా నాశనం చేశారు అని నెటిజన్లు కామెంట్స్‌ చేస్తున్నారు.

సాయి రాజేష్ దర్శకత్వం వహిస్తున్న ఈ సినిమాను SKN నిర్మిస్తున్నారు. జూలై 14న ఈ సినిమాను ప్రపంచవ్యాప్తంగా రిలీజ్ చేస్తున్నట్లు ప్రకటించారు. సినిమా డేట్‌ దగ్గరపడుతున్న నేపథ్యంలో ఇలాంటి పోస్టర్లు రిలీజ్‌ చేసి ఏమన్నా నెగిటివ్‌ స్టైల్‌లో ప్రచారం ఎక్స్‌పెక్ట్‌ చేస్తున్నారా అనే డౌటానుమానం కూడా ఉంది.

స్పై సినిమా రివ్యూ & రేటింగ్!

సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!