రీమేక్ సినిమాను పట్టాలెక్కించడం చాలా సులభం అంటుంటారు. ఎందుకంటే కీలకమైన కథ, స్క్రీన్‌ప్లే సిద్ధంగా ఉంటాయి. మన నేటివిటీకి తగ్గట్టుగా కథను మార్చడం, డైలాగ్స్‌ రాసుకోవడం… తారాగణం, సాంకేతిక బృందం ఎంచుకోవడమే పెండింగ్‌. కానీ ‘లూసిఫర్‌’ రీమేక్ విషయంలో ఆ ‘సులభం’ అనేది లేదేమో అనిపిస్తోంది. ఎందుకంటే ఇప్పటికే ఈ సినిమాకు ఇద్దరు దర్శకులు మారారు. ఇప్పుడు మూడో ఆయన విషయంలో మళ్లీ పుకార్లు మొదలయ్యాయి. ‘లూసిఫర్‌’ సినిమాను ఉన్నది ఉన్నట్లుగా కాకుండా,
కాస్త చిరంజీవి ఫ్లేవర్‌ యాడ్ చేయాలని చూస్తున్నారనే విషయం తెలిసిందే. హీరోయిన్‌, కొన్ని కామెడీ సీన్లు లాంటివి యాడ్ చేస్తున్నారట. దీని కోసం తొలుత సుజీత్‌ పని చేశాడు. వర్కౌట్‌ కాకపోయేసరికి… రీమేక్ స్పెషలిస్ట్‌ వీవీ వినాయక్‌ను తెచ్చారు. అక్కడ కూడా సమస్యే. ఆఖరిగా తమిళనాట నుండి మోహన్‌రాజాను తీసుకొచ్చారు. ఆయన ఫైనల్ అన్నారు. అయితే ఇంకా ఫైనల్ కాలేదనేది తాజా మాట. రేపే మాపో ‘లూసిఫర్‌’ రీమేక్ షూటింగ్‌ మొదలవుతుంది అనగా మరోసారి డైరక్టర్ మార్పు వార్తలు వినిపిస్తున్నాయి.
సినిమా ఫైనల్ డ్రాఫ్ట్‌ విషయంలో చిరంజీవి అంత నమ్మకంగా లేరని చెబుతున్నారు. సినిమాలో ఇంకా ఏదో మిస్సింగ్‌ అనే భావనలో ఉన్నారట. మరోమారు మార్పులు అవసరమని భావించారట. దీంతో సినిమా ప్రారంభం ఇంకొన్ని రోజులు ఆలస్యం అవుతుంది అంటున్నారు. అందుకే బూసూ… ‘కాస్త క్లారిటీ ఇవ్వొచ్చుగా’.
Most Recommended Video
తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!
