చాలామందికి ఎప్పటి నుండో ఉండే డౌటే ఇది. మీకు కూడా ఇలా అనిపించి ఉండొచ్చు కూడా. ఆ డౌటే.. ‘సినిమాల్లో ఎక్స్‌పోజింగ్‌, స్కిన్‌ షో చేసే హీరోయిన్లు బయట జనాల మధ్యలోకి వస్తే ఎందుకు ఇబ్బందిపడతారు?’ అని. మీకూ ఈ డౌట్‌ ఉందా? అయితే దీనికి సమాధానం నేరుగా తెలియడం లేదు కానీ.. ఇన్‌డైరెక్ట్‌గా తెలుస్తోంది. దీనికి కారణం బాలీవుడ్‌లో ఫొటో గ్రాఫర్‌ / వీడియో గ్రాఫర్లకు.. కొంతమంది హీరోయిన్‌లకు జరుగుతున్న ‘బ్యాక్’ యుద్ధమే.
గత కొన్ని రోజులుగా బాలీవుడ్‌లో ఫొటోగ్రాఫర్లు / వీడియోగ్రాఫర్ల విషయంలో కొంతమంది హీరోయిన్లు ఇబ్బంది వ్యక్తం చేస్తున్నారు. తమకు తెలియకుండా తమను బ్యాక్ నుండి ఫొటోలు, వీడియోలు తీసి వాటిని వెబ్‌సైట్‌లు, సోషల్‌ మీడియాలో వైరల్ చేస్తున్నారని, ఈ క్రమంలో కొంతమంది అసభ్యకరంగా వాటిని ఎడిట్‌ చేస్తున్నారు అని ఆ హీరోయిన్లు, వాళ్ల అభిమానుల వాదన. దీనికి కొన్ని ఉదాహరణలు కూడా చూపిస్తున్నారు. అంతెందుకు మీరు కూడా ఇలాంటి కొన్ని ఫొటోలు, వీడియోలు చూసే ఉంటారు.
ఈమె ఎవరో చెప్పుకోండి చూద్దాం.. ఈ బ్యాక్ బ్యూటీ ఇప్పుడు స్టార్ హీరోయిన్‌? ఈమెను గుర్తు పట్టారా మీకు తెలిసిన నాయికే.. అంటూ కొన్ని ఫొటోలు వీడియోలు వస్తున్నాయి. దీంతో ఈ మధ్య ప్రముఖ స్పెషల్‌ సాంగ్‌ బ్యూటీ నోరా ఫతేహీ (Nora Fatehi) ‘బ్యాక్ పిక్స్‌, వీడియోస్‌’ వద్దు అంటూ తేల్చి చెప్పేసింది. కొత్త స్టార్ మృణాల్ ఠాకూర్‌ (Mrunal Thakur) కూడా ఇలాంటి కామెంట్సే చేసింది. బ్యాక్ ఫోజ్ ఇవ్వమంటే నో అని చెబుతూ.. ‘మీ కెమెరాలు అక్కడికే వెళతాయి’ అంటూ ఘాటుగా కామెంట్స్ చేసింది.
వాళ్లిద్దరే కాదు మరికొంతమంది నాయికలు, నటీమణులు కూడా ఇలాంటి కామెంట్స్ చేశారు. అయితే స్టేజీల మీద, సినిమాల్లో బ్యాక్ చూపిస్తూ కుర్రకారును కిర్రెక్కించే డ్యాన్స్‌లు చేసే వాళ్లు ఫొటోలు ఎందుకు వద్దంటున్నారు అని ఫొటోగ్రాఫర్లు అంటున్నారు. దానికి కొంతమంది నెటిజన్లు ‘ఏం చూపించాలి, ఎంతవరకు చూపించాలి అనేది వాళ్ల ఇష్టం’ అని సపోర్టు కూడా చేస్తున్నారు. చూడాలి మరి ఈ విషయం ఎంతవరకు వెళ్తుందో?
