టాలీవుడ్‌ ప్రేక్షకులు చాలా కాలంగా ఎదురు చూస్తున్న కాంబినేషన్లలో సుకుమార్‌ – విజయ్‌ దేవరకొండ ఒకటి. నిజానికి విజయ్‌ దేవరకొండ కూడా ఈ సినిమా కోసం బాగా వెయిట్ చేస్తున్నాడు. అయితే ఈ కాంబో గురించి చాలాసార్లు ఉండకపోవచ్చంటూ పుకార్లు వచ్చాయి. అలా వచ్చిన ప్రతిసారి చిత్రనిర్మాణ సంస్థ క్లారిటీ ఇచ్చింది. అయితే ఇప్పుడు మళ్లీ పుకార్లు మొదలయ్యాయి. దీనిపై క్లారిటీ ఇస్తారో లేదో తెలియదు కానీ… ఈసారి ఓ కారణం ఉంది.
సుకుమార్‌ – విజయ్‌ దేవరకొండ సినిమాకు ప్రధానమైన అడ్డు దర్శకుడేనట. ఎందుకంటే ప్రస్తుతం సుక్కు ‘పుష్ప’ పనుల్లో బిజీగా ఉన్నారు. కరోనా పరిస్థితుల కారణంగా సినిమా చిత్రీకరణ వాయిదా పడుతూ వస్తోంది. దీంతో ప్లాన్స్‌ అన్నీ మారిపోయాయి. ఈలోగా సినిమాను రెండు పార్టులుగా తీయాలని నిర్ణయించారు. దీంతో ప్లాన్స్‌లో భారీ మార్పులే వస్తున్నాయి. రెండు పార్టులు పూర్తయ్యే వరకు సుక్కు బయటకు రాలేరు. కరోనా సహకరిస్తే ‘పుష్ప’ తొలి పార్టు పూర్తి చేసి, రెండో పార్టు ప్రీ ప్రొడక్షన్‌ పనులు ప్రారంభించాలి.
ఇప్పుడున్న పరిస్థితి చూస్తే… వీలైతే దసరాకు ‘పుష్ప’ తొలి పార్టు తెచ్చేస్తారు. ఆ వెంటనే పని మొదలెట్టి ఏ జనవరిలో రెండో పార్టు తీసుకొచ్చే అవకాశం ఉంది. అయితే కరోనా థర్డ్‌ వేవ్‌ వస్తుంది అంటున్నారు. అప్పుడు మళ్లీ సినిమా వాయిదా పడుతుంది. దీంతో విజయ్‌ సినిమా ఇప్పట్లో కష్టమే. ఈ కారణంతోనే విజయ్‌ దేవరకొండతో హరీశ్‌ శంకర్‌ సినిమా ఓకే చేయించే పనిలో దిల్‌ రాజు ఉన్నారని టాక్‌.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
