అశి మూడో సినిమాపై నిర్ణయం తీసుకున్నాడా?

సినిమా హిట్‌ అయ్యాక… అందులో డెబ్యూ హీరో సినిమా హిట్‌ అయ్యాక తర్వాత ఏంటి అనే ప్రశ్న తప్పక వస్తుంది. అయితే వైష్ణవ్‌ తేజ్‌ విషయంలో ఈ సమస్య ఉండదు. ఎందుకంటే ఇప్పటికే వైష్ణవ్‌ రెండో సినిమా ఫిక్స్‌ అయిపోయింది. ఆ మాటకొస్తే షూటింగ్‌ కూడా పూర్తయిపోయింది. దీంతో మూడో సినిమా ఏంటి అనే ముచ్చటే ఇప్పుడు అందరి నోట. సోషల్‌ మీడియాలో, గాసిప్స్‌లో వినిపిస్తున్న వార్తల ప్రకారం అయితే నాగార్జున బ్యానర్‌లో త్వరలో సినిమా మొదలవుతుందని. అయితే ఇక్కడే ప్రశ్నలు కొన్ని వస్తున్నాయి.

పృథ్వీ అనే కొత్త కుర్రాడి దర్శకత్వంలో అన్నపూర్ణ స్టూడియోస్‌ బ్యానర్‌పై వైష్ణవ్‌ మూడో సినిమా ఉంటుందట. ఇదీ లేటెస్ట్‌ గాసిప్‌. అయితే ఇక్కడే వస్తున్న డౌట్‌ ఏంటంటే… నాగార్జున కొత్త కుర్రాడితో సినిమా చేస్తున్నాడా? ఇటీవల కాలంలో చూసుకుంటే నాగార్జున నిర్మాణ రంగంలో కుటుంబంలోని హీరోలతోనే సినిమాలు చేస్తున్నాడు. లేదంటే ఏదైనా సినిమా బాగుంటే దానిని కొనేసుకుంటున్నాడు. ఈ సమయంలో వైష్ణవ్‌ తేజ్‌ సినిమా ఎందుకు చేస్తున్నట్లు. పోనీలే చిరంజీవి కుటుంబంతో ఉన్న సత్సంబంధాల దృష్ట్యా చేస్తున్నాడు అనుకుందాం.

ఇంకో డౌటేంటంటే… వైష్ణవ్‌ విషయంలో దిల్‌ రాజు ముందుకు రాలేదా? మామూలుగా హిట్‌ కుర్రోడు కనిపిస్తే దిల్‌ రాజు ఠక్కున అందిపుచ్చేసుకుంటారు. అలాంటిది వైష్ణవ్‌ విషయంలో ఇంకా ఓ నిర్ణయం తీసుకోలేదా అని. అల్లు అరవింద్‌ విషయంలోనూ ఇలాంటి ప్రశ్నే ఉంది. హిట్ ఇచ్చిన హీరో కనిపిస్తే, అడ్వాన్స్‌ ఇచ్చేసే అల్లు అరవింద్‌… వైష్ణవ్‌ విషయంలో ఇంకా చెక్‌ రెడీ చేయలేదా అని. అంతేకాదు సినిమా దర్శకుడు బుచ్చిబాబు విషయంలోనూ ఇదే ప్రశ్నలు ఉన్నాయి.

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?