ఫస్ట్‌ నవ్వించాడు… తర్వాత దుమ్ము రేపుతాడా?

‘జాతిరత్నాలు’ సినిమా ప్రకటించినప్పుడు, ఫస్ట్‌లుక్‌ వచ్చినప్పుడు, నాగ్‌ అశ్విన్‌ నిర్మాత అని తెలిసినప్పుడు, టీజర్‌, ట్రైలర్‌ వచ్చినప్పుడు ఎంత హైప్‌ క్రియేట్ అయ్యిందో తెలియదు కానీ… ఓ టీవీ షోలో సినిమా దర్శకుడు అనుదీప్‌ను చూసినప్పుడు అంతకుమించి అయ్యిందనే చెప్పాలి. ఆ తర్వాత దానిని ప్రభాస్‌, విజయ్‌ దేవరకొండ ఇంకా పైకి తీసుకెళ్లారు. అంతగా తన కామెడీ టైమింగ్‌, పంచ్‌లతో ఆకట్టుకున్నాడు అనుదీప్‌. సినిమా కూడా అదే స్థాయిలో వావ్‌ అనిపిస్తోంది. అయితే ఎప్పుడూ వచ్చే ప్రశ్నే… వాట్స్‌ నెక్స్ట్‌ అనుదీప్‌.

ప్రతి స్టూడెంట్‌ పరీక్షల తర్వాత ఎదురయ్యే ప్రశ్న లాగే, దర్శకుడికీ సినిమా తర్వాత వినిపిస్తుంది. దీనికి సమాధానం తెలుసుకునే ప్రయత్నం చేయగా… మళ్లీ అనుదీప్‌… సేమ్‌ బ్యానర్‌ మీదే సినిమా చేస్తాడని తెలుస్తోంది. అంటే స్వప్న సినిమా అని చెప్పలేం అనుకోండి. ఈసారి వైజయంతి మూవీస్‌లో ఓ సినిమా చేయబోతున్నాడని తెలుస్తోంది. దీనిపై స్పష్టత పూర్తిగా రానప్పటికీ… అనుదీప్‌ నెక్స్ట్‌ సినిమాకు సంబంధించి ప్రీ ప్రొడక్షన్‌ పనులు త్వరలోనే మొదలవుతాయట.

అయితే మరి అనుదీప్‌ ‘యాక్షన్‌… కట్‌’ చెప్పేది ఏ హీరోకి.. ఇదేగా ప్రశ్న. దీనికి గట్టిగా వినిపిస్తున్న పేర్లలో రామ్‌ ఒకటి. గతంలో అనుకున్న లెక్క ప్రకారం వైజయంతి మూవీస్‌కి రామ్‌ ఓ సినిమా చేయాల్సి ఉంది. దీంతో అనుదీప్‌ తర్వాతి హీరో రామ్‌ అనే మాట వినిపిస్తోంది. ప్రస్తుతం రామ్‌ చేతిలో ఒక సినిమానే ఉంది. లింగుస్వామి డైరెక్ట్‌ చేయనున్న ఆ సినిమా చిత్రీకరణ త్వరలో మొదలవుతోంది. దీంతో రామ్ ప్యారలల్‌గా అనుదీప్‌ సినిమా చేస్తాడంటున్నారు.

మరోవైపు రామ్‌ ప్రస్తుతం యాక్షన్‌ సినిమాలవైపు చూస్తున్నాడు. మరి అనుదీప్‌తో కామెడీ చేస్తాడా? అనే ప్రశ్న కూడా వినిపిస్తోంది. అయితే వరుస యాక్షన్‌ సినిమాలు బోర్‌ కొట్టి మళ్లీ కామెడీ వైపు వెళ్దాం అని రామ్‌కి, స్రవంతి రవికిషోర్‌కి అనిపిస్తే ఈ సినిమా చేసే అవకాశం ఉంది. ఇవన్నీ కాకుండా.. అనుదీప్‌ మరో యంగ్‌ హీరోను పట్టి సినిమా చేసినా ఆశ్చర్యపోనక్కర్లేదు.

Most Recommended Video

శ్రీకారం సినిమా రివ్యూ & రేటింగ్!
జాతి రత్నాలు సినిమా రివ్యూ & రేటింగ్!
గాలి సంపత్ సినిమా రివ్యూ & రేటింగ్!