నందమూరి బాలకృష్ణ – బోయపాటి శ్రీనివాస్‌ కాంబినేషన్‌లో సినిమా అంటే… వచ్చే క్రేజ్‌ మామూలుగా ఉండదు. రెండు వరుస విజయాలతో.. హ్యాట్రిక్‌ కోసం మూడో సినిమా కూడా మొదలెట్టేశారు. #BB3 రోర్‌ అంటూ ఓ వీడియోను కూడా విడుదల చేసి సినిమా మీద హైప్‌ను అమాంతం పెంచేశారు. అంతా బాగుంది… సినిమా వీలైనంత వేగంగా వచ్చేస్తుంది అని అందరూ అనుకుంటుండగా… కరోనా – లాక్‌డౌన్‌ రావడంతో సినిమా చిత్రీకరణ ఆగిపోయింది. పరిస్థితులు మెరుగుపడటంతో చాలామంది హీరోలు మళ్లీ సినిమా చిత్రీకరణలు మొదలుపెట్టేశారు. అయితే ఒక్క బాలకృష్ణ మాత్రం వాయిదా వేస్తూనే ఉన్నారు. దీంతో #BB3 విషయంలో ఏం జరుగుతోందా అని అభిమానులు ఆలోచిస్తున్నారు.
#BB3 సినిమా మొదటి నుంచి అంత సులభంగా ఏమీ సాగలేదు. నిర్మాత మారుతాడు అంటూ కొన్ని రోజులు వార్తలొచ్చాయి. కానీ మిరియాల రవీందర్‌ రెడ్డినే నిర్మిస్తారని స్పష్టం చేశారు. కరోనా పరిస్థితుల తర్వాత కూడా ఇలాంటి పుకార్లే వచ్చినా… చిత్రబృందం వాటిని కొట్టిపడేసింది. అయితే సినిమా చిత్రీకరణ మాత్రం ప్రారంభించడం లేదు. హీరోలందరూ మొదలెట్టేశారు… మా బాలయ్య ఎప్పుడు ప్రారంభిస్తారో అంటూ అభిమానులు సోషల్‌ మీడియాలో తమను తాము ప్రశ్నించుకుంటున్నారు. కొత్త ఏడాదిలో అయినా ప్రారంభం అవుతుందని ఆశించిన నందమూరి అభిమానులకు నిరాశే మిగిలింది.
ఇప్పుడు చూస్తే కొత్త సంవత్సరంలో జనవరి కూడా పూర్తి కాబోతోంది. అయినా ఇంకా సినిమా గురించి ఎలాంటి సమాచారం లేదు. తొలుత అయితే సినిమాను ఈ సమ్మర్‌లో విడుదల చేస్తారని నిర్మాత చెప్పినట్లు వార్తలొచ్చాయి. ఈ లెక్కన సమ్మర్‌లో వచ్చేలా లేదు. ఎందుకంటే అప్పుడు సినిమా రావాలంటే ఇప్పుడు మొదలుపెట్టాలి. బాలయ్య, బోయపాటి తీరు చూస్తుంటే మొదలయ్యేలా లేదు. మరోవైపు ఆర్థిక సమస్యలు ఉన్నాయోమో అంటూ కామెంట్లు కూడా వినిపస్తున్నాయి. మరి దీనిపై బోయపాటి కానీ, బాలయ్యకానీ ఏమన్నా స్పందిస్తారేమో చూడాలి.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
Home