Chiranjeevi,Puri Jagannadh: పూరి జగన్నాథ్ ను మెగాస్టార్ చిరంజీవి ఎప్పుడు కరుణిస్తారో…!

మెగాస్టార్ చిరంజీవి వరుస సినిమాలను లైన్లో పెడుతూ ఇప్పటి స్టార్ హీరోలకి కూడా సవాలు విసురుతున్నారు. కొరటాల శివ దర్శకత్వంలో ‘ఆచార్య’ను ఆల్రెడీ పూర్తి చేసిన ఆయన మరో 3 చిత్రాలని లైన్లో పెట్టిన సంగతి తెలిసిందే. మెహర్ రమేష్ దర్శకత్వంలో ‘భోళా శంకర్’, మోహన్ రాజా దర్శకత్వంలో ‘గాడ్ ఫాదర్‌’ లతో పాటు బాబీ దర్శకత్వంలో కూడా ఆయన తన 154వ సినిమాని ప్రకటించారు.మెహర్‌ రమేశ్‌ దర్శకత్వంలో రూపొందనున్న ‘భోళా శంకర్‌’ షూటింగ్‌ ఈరోజు ఘనంగా ప్రారంభైమంది. అన్నపూర్ణ స్టూడియోలో ‘భోళా శంకర్’ లాంచ్ ఈవెంట్ కు సంబంధించిన ఫోటోలు సోషల్ మీడియాలో వైరల్ అవుతున్నాయి.

ఇదిలా ఉండగా…దర్శకుడు మెహర్ రమేష్ కి తెలుగులో పెద్దగా హిట్లు లేవు. కన్నడంలో రెండు హిట్లు ఉన్నాయి. తెలుగులో రెండు యావరేజ్ లు ఇచ్చాడు. అంతే తప్ప అతనికి సరైన హిట్టు లేదు. ఒకప్పుడు ఈయన పూరి జగన్నాథ్ దగ్గర అసిస్టెంట్ గా చేశారు. ‘పోకిరి’ సినిమాలో కొన్ని సీన్లు ఈయన డైరెక్ట్ చేశాడన్న సంగతి బహుశా ఎక్కువ మందికి తెలిసుండకపోవచ్చు. ఏది ఏమైనా మెహర్ కు చిరు ఛాన్స్ ఇచ్చారు. దీనిని పూర్తిస్థాయిలో ఉపయోగించుకుంటే అతని సెకండ్ ఇన్నింగ్స్ కు శుభారంభం దొరికినట్టే…! అయితే పూరి జగన్నాథ్ కు చిరు ఎప్పుడు అవకాశం ఇస్తారు అనేది పెద్ద ప్రశ్న.

చిరంజీవికి పూరి పెద్ద ఫ్యాన్. చిరుకి కూడా పూరి అంటే చాలా ఇష్టం. అందుకే చరణ్ ను లాంచ్ చేసే బాధ్యతని పూరికి అప్పగించారు చిరు. ఆ బాధ్యతకి పూరి 100శాతం న్యాయం చేసాడు. అలాగే చిరు రీ ఎంట్రీ సినిమాని పూరికి ఇవ్వాలని కూడా చిరు భావించారు. కానీ స్క్రిప్ట్ కుదర్లేదు. అయినా సరే పూరితో సినిమా చేయాలని మనసులో ఉంది. అలాగే చిరుతో సినిమా చేయాలని పూరికి కాస్త ఎక్కువ ఆశే ఉంది. అయితే ఇది ఎప్పుడు జరుగుతుంది. పూరీ.. శిష్యుడికి దక్కిన ఛాన్స్ అతనికి ఎప్పుడు దక్కుతుంది? అనేది కాలమే నిర్ణయించాలి.

వరుడు కావలెను సినిమా రివ్యూ & రేటింగ్!

Most Recommended Video

రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!